मालवण मधील आतू उर्फ अंतोन फर्नांडिस कालवश.
एक आदर्श युवा कार्यकर्ता हरपल्याने संपूर्ण सिंधुदुर्ग जिल्ह्यातून व्यक्त होतोय शोक.
मालवण | सुयोग पंडित : सिंधुदुर्ग जिल्ह्यातील मालवण शहरातल्या गवंडीवाडा येथील अंतोन उर्फ अंतोन जाॅन फर्नांडिस यांचे काल (१४ जानेवारी) दुपारी बेळगांव येथे उपचारा दरम्यान निधन झाले. ते ३८ वर्षांचे होते. गेले दोन आठवडे त्यांच्यावर एका अल्पशा आजारावर उपचार सुरु होते.
गेली १५ वर्षे सामाजिक क्षेत्रात भरीव योगदान देणार्या आतू फर्नांडिस यांच्यावर युवासेना उपतालुकाप्रमुख पदाची सुद्धा जबाबदारी होती. विविध क्षेत्रात वावरताना त्यांनी संपूर्ण सिंधुदुर्ग जिल्ह्यात आपली अजातशत्रू व्यक्तिमत्व म्हणून एक वेगळी ओळख निर्माण केली होती. आतू यांच्या निधनाची वार्ता समजल्यानंतर मालवण शहरावर शोककळा पसरली असून संपूर्ण जिल्ह्यातील विविध सामाजिक क्षेत्रातून व माध्यमांमधून त्यांच्या निधनाबद्दल शोक व्यक्त होत आहे. त्यांच्या पश्चात आई,पत्नी,भाऊ,बहिण,वहिनी व पुतणे असा परिवार आहे.
आज सकाळी १० वाजता गवंडीवाडा येथील त्यांच्या निवासस्थानाहून त्यांची अंत्ययात्रा असून १०:३० वाजता मालवणच्या रोझरी चर्चच्या आवारातील सिमिट्रीमध्ये (दफनभूमीत) त्यांच्या पार्थिवावर अंत्यसंस्कार होणार आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
मसुरे गावचे सुपुत्र नंदकिशोर परब यांची कल्याण जिल्हा भारतीय जनता पक्षाच्या अध्यक्षपदी निवड.
