विभागीय शुटींग बाँल स्पर्धेत त्रिंबक हायस्कूल व्दितीय....!
विवेक परब/ ब्यूरो चिफ — सांगली कवठे महंकाळ येथे पार पडलेल्या १७ व १९ वर्षा खालील मुले – मुली विभागीय शुटिंग बॉल स्पर्धेत सांगली, सातारा, कोल्हापूर, रत्नागिरी व सिंधुदुर्ग या पाच जिल्ह्यांतील विजयी संघ सहभागी झाले होते. यामध्ये १७ वर्षोखालील मुलांच्या गटात सिंधुदुर्गचे नेतृत्व जनता विद्यामंदिर त्रिंबक प्रशालेच्या विद्यार्थ्यांनी केले होते. सांगली संघाबरोबर अंतिम सामना अटीतटीचा होऊन त्रिंबक प्रशालेच्या विद्यार्थ्यांनी द्वितीय क्रमांक पटकावला आहे.
या संघात कौस्तुभ सकपाळ(कर्णधार), शुभम लब्दे, सोहम चिंदरकर, हर्षद मेस्त्री, शुभम गावडे व हर्ष घाडीगावकर हे खेळाडू सहभागी झाले होते. विजयी संघातील सर्व खेळाडूंचे व त्यांना मार्गदर्शन करणारे क्रिडा शिक्षक महेंद्र वारंग यांचे माध्यमिक शिक्षण समिती अध्यक्ष अण्णा ( सुरेंद्र) सकपाळ, सर्व संचालक मंडळ, मुख्याध्यापक प्रवीण घाडीगावकर, सर्व शिक्षक, पालक, ग्रामस्थ यांनी अभिनंदन केले. संस्थाध्यक्ष सुरेद्र(अण्णा) सकपाळ व त्रिंबक पोलिस पाटील सीताराम सकपाळ यांची सांगली येथे संघ नेण्यासाठी मोलाची मदत केली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
मुख्यमंत्री देवेंद्र फडणवीस यांच्या हस्ते २७ ऑक्टोबर रोजी 'सीएम चषक' ४१व्या युथ नॅशनल बास्केटबॉल स्पर्धेचे उद्घाटन.
मालवणच्या रोझरी इंग्लिश स्कूल प्रशालेचा ॲथलीट कु. सोहम चव्हाण याची विभागीय स्पर्धेच्या पात्रतेची 'उंच उडी...!'
