विवेक परब | मुख्य संपादक :
महाराष्ट्र ब्राह्यण मंडळ सिंधुदुर्ग, मालवण तालुका संमेलन २०२२, रविवारी २५ डिसेंबरला विनोद अशोक गगनग्रास यांच्या घरी आशिष आपटे यांच्या अध्यक्षतेखाली सकाळी ८ते दुपारी २. ३० या वेळेत उत्साहात संपन्न झाले.
श्री गणेश पूजन, श्री परशुराम महाराज स्मरण व गो पूजनाने संमेलनाने सुरूवात झाली. संमेलनाचे दीप प्रज्वलन भालचंद्र केळकर, आशिष आपटे व मंदार सरजोशी यांच्या शुभ हस्ते झाले. यावेळी सामुहीकरित्या श्री अथर्वशीर्ष पठण करण्यात आले. व उपस्थितांचे स्वागत करण्यात आले.
प्रमुख मार्गदर्शक श्रीकृष्ण अच्युत वझे, मेघना जोशी यांनी ब्राम्हण ज्ञातीना आचार, विचार, संस्कार, धार्मिक दृष्टीकोन याबद्दल उत्तर मार्गदर्शन केले. निलेश सरजोशी, अर्चना हर्डिकर, श्रीपाद गिरसागर यांनी यावेळी आपले मनोगत व्यक्त केले तर आनंद आपटे यांनी मधमाशा संरक्षण व संवर्धन या बाबत माहिती दिली. सर्वांना विविध वृक्षांचे वाटप करण्यात आले.
या संमेलनाची जबाबदारी कट्टा दशक्रोशी विभागाची होती. पुढील तालुका संमेलन मसुरा विभागात होणार असल्यामुळे मसुरा विभाग अध्यक्ष मिलिंद कुंटे यांनी स्वप्निल आपटे यांच्या हस्ते संमेलनाचा नारळ स्विकारला. तालुका मासिक सभा १ जानेवारी २०२३ला मालवण विभागात होणार आहे.
पौराहित्य स्वप्निल आपटे व मंदार सरजोशी यांनी केले. सुत्र संचालन व प्रास्तविक उदय मेहंदळे यांनी केले तर अर्चना हर्डीकर यांनी जिल्हा संमेलना विषयी माहिती व सर्वांचे आभार मानले.