आचरा | प्रसाद टोपले : मालवण तालुक्यातील आचरा येथील यशराज प्रेरणा, संघटने मार्फत सरपंच श्रीम. प्रणया टेमकर यांना ग्रामपंचायत आचरा गावातील काही समस्यांबाबत निवेदन देण्यात आले..
या मध्ये पुढील विषय नमूद करण्यात आले आहेत. आचरा बाजार- तिठा परिसर येथे वाहनांची कोंडी कमी करण्यासाठी वाहतूक पोलीस नियुक्त करणे , कर्ण कर्कश्य आवाज असणाऱ्या वाहन धारकांना योग्य प्रकारे समज देणे, मोकाट गुरे -बेवारस कुत्रे यामुळे होणारे अपघात टाळण्यासाठी , कुत्र्यांना आळा घालण्यासाठी काहीतरी पर्याय उपलब्ध करणे, रस्त्याच्या दुतर्फा वाढलेली झाडी गवत यांची छाटणी वेळीच करणे , बारमाही पाणी असणारे नागझरी पाझरतलाव याचे नैसर्गिक महत्त्व अबाधित राहावे यासाठी सदरील तलावाचे आणि परिसराचे योग्य प्रकारे नूतनीकरण करणे, जेथे कचरा एकत्र केला जातो तेथे जागा सुचित करणारे फलक लावणे, जीर्ण रस्त्यांना नवसंजीवनी देणे- नूतनीकरण करणे. अशा प्रकारच्या कामांची मागणी यशराज प्रेरणा, आचरा संघटने च्या वतीने करण्यात आली आहे. याविषयी योग्य ती कार्यवाही करण्यात येईल असे सरपंच श्रीम. प्रणया टेमकर यांनी आश्वासन दिले आहे.

या प्रसंगी यशराज प्रेरणा उपाध्यक्षा ॲड. उर्मिला आचरेकर, कार्यवाह मीनल कोदे, धनश्री आचरेकर, रवींद्र मुंबरकर, रोहित भिरवंडेकर, मिताली कोरगावकर, गायत्री वाडेकर ,अध्यक्ष मंदार सरजोशी आदी उपस्थित होते..