चाफेड | संतोष साळसकर : मुलींच्या उत्कृष्ट पटनोंदणीसाठी देवगड तालुक्यातील चाफेड शाळा नं 1 चे मुख्याध्यापक हरिश्चंद्र कृष्णा सरमळकर याना सन http://localhost/news/public/uploads/2020-21 सालचा पुरस्कार प्राप्त झाला आहे. जिल्हा परिषद सिंधुदुर्ग च्या वतीने जिल्हा परिषद अध्यक्षा संजना सावंत, मुख्य कार्यकारी अधिकारी प्रजित नायर, शिक्षण सभापती डॉ.अनिषा दळवी, प्राथमिक शिक्षणाधिकारी एकनाथ आंबोकर यांच्या सहिनीशी मुख्याध्यापक सरमळकर यांना प्रमाणपत्र देऊन गौरविण्यात आले आहे. चाफेड शाळेच्या सर्वांगीण विकासासाठी लोकसहभागातून मुख्याध्यापक सरमळकर यांनी नेहमीच मेहनत घेतली आहे. प्रशालेतील विद्यार्थ्यांच्या बौद्धिक विकासासोबत सर्व क्षेत्रात त्यांची प्रगती व्हावी यासाठी सरमळकर यांचा विशेष लक्ष असतो. सिंधुदुर्ग जिल्हा परिषदेचा आदर्श शिक्षक पुरस्कारप्राप्त असलेल्या सरमळकर यांनी मुलींच्या पटनोंदणीत केलेल्या लक्षणीय कामाची दखल जिल्हा परिषदेने घेत त्यांना मुलींच्या उत्कृष्ट पटनोंदणीसाठी चा पुरस्कार प्रमाणपत्र स्वरूपात दिला आहे.साळशी केंद्रप्रमुख वर्षा लाड यांच्या हस्ते मुलींच्या उत्कृष्ट पटनोंदणी बाबतचे प्रमाणपत्र हरिश्चंद्र सरमळकर याना प्रदान करण्यात आले.यावेळी साळशी शाळा नं 1 चे मुख्याध्यापक गंगाधर कदम, कुवळे शाळा नं 1 चे मुख्याध्यापक विष्णू परब, रेंबवली शाळा नं 1 चे मुख्याध्यापक सुगंध तांबे, चाफेड भोगलेवाडी च्या रश्मी आंगणे आदी उपस्थित होते.