मनसैनिकांतर्फे स्वागताची जय्यत तयारी .

मनसैनिकांची दौर्याची उत्कंठा शिगेला..!

विवेक परब | एडिटोरिअल असिस्टंट :महाराष्ट्र नवनिर्माण सेनेचे अध्यक्ष राज ठाकरे हे ३० नोव्हेंबर ते २ डिसेंबर अशा तीन दिवसांच्या सिंधुदुर्ग दौऱ्यावर येत आहेत. या दौऱ्यात ते पदाधिकारी, कार्यकर्ते यांच्या बैठका घेऊन मार्गदर्शन करणार आहेत. तसेच विविध मान्यवरांच्याही भेटी घेणार असल्याची माहिती मनसेचे प्रदेश सरचिटणीस परशुराम उपरकर यांनी दिली.

मनसे अध्यक्ष राज ठाकरे ३० रोजी दुपारी सावंतवाडी . येथील पक्ष कार्यालयाला भेट देणार आहेत. १ डिसेंबरला सकाळी १० वाजता सावंतवाडी विधानसभा मतदारसंघातील पदाधिकारी, कार्यकर्ते यांची बैठक, ११.३० वाजता कुडाळ तालुक्यातील पदाधिकाऱ्यांची बैठक असून या दोन्ही बैठका हॉटेल आराध्य (कुडाळ) येथे होणार आहेत. दुपारी १ वाजता भोजन व ३.३० वाजता मालवण तालुक्यातील पदाधिकाऱ्यांची बैठक कुंभारमाठ येथील हॉटेल जानकी येथे होणार आहे. ठाकरे ५ वाजता मालवण येथील पत्रकार व मान्यवरांच्या भेटी घेणार असून रात्री किल्ला हॉटेल येथे मुक्काम आहे. २ रोजी सकाळी १० वा, आंगणेवाडी येथील भराडीदेवीचे दर्शन व तेथून कणकवलीकडे प्रयाण, ११ वा. येथील जलतरण हॉटेल येथे पत्रकार व मान्यवरांच्या भेटी, ३ वा. कणकवली जलतरंग हॉटेल येथेच बैठक होणार आहे. त्यानंतर सायंकाळी ५ वा. ठाकरे खारेपाटणला रवाना होणार असल्याची माहिती उपरकर यांनी दिली.