आपली सिंधुनगरी न्यूज | संपादकीय विशेष : http://localhost/news/public/uploads/2020 सालानंतर निसर्गाचे चक्र पुष्कळ विस्कळीत झाले. जगातील अनेक घटना, कार्यक्रम आणि भावनांनाच एक सावध कलाटणी मिळून गेली. त्याचदरम्यान लाॅकडाऊन या प्रकारामुळे प्रदूषणावरही आपसुक नियंत्रण येऊ लागले.
क्रिडा जगावरही याचे परिणाम होणे स्वाभाविकच होते आणि तसे झालेही.
क्रिडाजगतातील पर्यावरणही आता जपू जाऊ लागले.
टेनिस, फुटबॉल या प्रचंड महागड्या खेळांच्या आयोजकांनाही आता प्रेक्षक,खेळाडू आणि सामाजिक बांधिलकीलाही जपण्यावाचून पर्याय राहीला नाहीय.खेळाडूंकडे आता सामान्य माणसे म्हणूनच पाहिले जाते.त्यांच्याकडून यांत्रिकपणे स्पर्धेमागून स्पर्धा न खेळवता त्यांचातील माणसाचाही सावधपणे विचार होऊ लागलाय आणि सोबतच काही खेळाडुंच्या सामाजिक व फाजिल मनमानीलाही आळा बसू लागलाय हे विशेष…!
गेली चौदा वर्षे भारतातील सर्वात लोकप्रिय क्रिडा सण म्हणून आय.पि.एल.स्पर्धा ओळखली जाते.
त्यापैकी पहिल्या तेरा वर्षांत हा सण अक्षरशः सत्तर सलग दिवस साजरा केली जाण्याची प्रथा होती. या सत्तर दिवसांत जवळपास सत्तर सामने आणि तितकीच खेळाडूंची प्रवासाची दगदग वगैरे गोष्टींसोबतच भर उन्हाळ्यात अनेक तंत्रज्ञ, सपोर्ट स्टाफ,समालोचक आणि सामने कव्हर करणारे प्रतिनिधी हेही सलगपणे आय.पि.एल.सणासाठी राबायचे. आर्थिक उलाढाल नक्कीच मोठी होती पण त्याचा अनेक खेळाडुंच्या मानसिक व शारीरिक स्थितीवर आणि जीवन संयमावर ताबा सुटू लागला होता. स्ट्रेस घालवण्याच्या नादापोटी काही खेळाडू पार्ट्या, ड्रग्ज,मॅच फिक्सिंग वगैरेतही अडकले गेले. काहींची शारीरिक स्थिती ढासळली तर काहींनी पैशासाठी राष्ट्रीय संघांनाही रामराम केला.
पण आता चौदाव्या मोसमात निसर्गाने हाच सण दोन टप्प्यांत खेळवून ‘अती तिथे माती’ या म्हणीचा अर्थ समजावून सांगितला.
यावर्षी आय.पि.एल.चा पहिला टप्पा भारतात खेळवला गेल्यानंतर तो कोरोनामुळे स्थगित करावा लागला.
एकापाठोपाठ एका खेळाडूला कोरोनाची लागण झाल्यानंतर आय.पि.एल.गव्हर्निंग काऊन्सीलला खेळाडुंकडे माणुस आणि खेळाकडे निव्वळ व्यावसायिक मनोरंजन म्हणून बघणे क्रमप्राप्त झाले.
उद्यापासून आय.पि.एल.या सणाचा दुसरा टप्पा यु.ए.ई. व दुबईतील शारजात सुरु होतोय.
हा सण आता वर्षातून दोनदा तुकड्या तुकड्यात खेळवल्यामुळे क्रिकेटचा अतिरेकही टळलाय आणि इंडियाका त्योहार वर्षातून दोनदा साजरा करायची एक संधी मिळालीय.
खरंच…..सर्व प्रकारच्या खेळांपेक्षा सर्वात दीर्घ समय मैदानावर राबावे लागणार्या या खेळासंबंधी सर्वांचेच निसर्गचक्र बदलले गेलंय.
आय.पि.एल.च्या दुसर्या टप्प्यांत मेहनत,शिस्त आणि क्रिकेटची एक वेगळी उंची पहायला मिळेल यांत शंकाच नाही.

संपादकीय(आपली सिंधुनगरी चॅनेल)