संतोष साळसकर | ब्युरोचीफ :
विद्युत मंत्रालय भारत सरकारद्वारे ऊर्जा दक्षता ब्युरोच्या माध्यमातून ऊर्जा बचतीवर घेण्यात आलेल्या राष्ट्रीय चित्रकला स्पर्धेत शिरगांव हायस्कूल व कनिष्ठ महाविद्यालयातील वरद गोठणकर व प्रियांका परब या विद्यार्थ्यांची राज्यस्तरीय चित्रकला स्पर्धेसाठी निवड झाली आहे. ही स्पर्धा पाचवी ते सातवी (लहान गट) आणि आठवी ते दहावी (मोठा गट) अशा दोन गटांत घेण्यात आली.
या चित्रकला स्पर्धेत शिरगांव हायस्कूलमधील विद्यार्थ्यांनी सहभाग घेतला होता. यामध्ये वरद गोठणकर (सातवी) याची लहान गटातून व प्रियांंका परब (आठवी) हिची मोठ्या गटातून या दोन्ही विद्यार्थ्यांची राज्यस्तरीय चित्रकला स्पर्धेसाठी निवड झाली आहे .राज्यस्तरीय चित्रकला स्पर्धेसाठी महाराष्ट्राातूून ५० विद्यार्थ्यांची निवड केली जाते. राज्यस्तरावर विद्यार्थ्याची स्पर्धा घेऊन राष्ट्रीय पातळीवर विद्यार्थ्यांना पाठवले जाते. याही वर्षी शिरगांव हायस्कूलमधील विद्यार्थ्यांनी स्पर्धेत सहभाग घेतला होता.
या यशस्वी विद्यार्थ्यांना चित्रकला शिक्षक श्री. विनोद चौगुले यांचे मार्गदर्शन लाभले. या यशस्वी विद्यार्थ्यांचे संस्थाध्यक्ष अरुण कर्ले,संस्थाचालक ,सर्व पदाधिकारी,चेअरमन, प्राचार्य एस.एन.अत्तार , पर्यवेक्षक यु.जे.रावराणे सर्व शिक्षक वर्ग, शिक्षकेतर कर्मचारी यानी अभिनंदन केले आहे.