संतोष साळसकर | ब्युरोचीफ :
भाजपचे बहुमत असलेल्या नाधवडे ग्रामपंचायत नूतन सरपंचपदी सौ. शैलजा मनोहर सुतार यांची बिनविरोध निवड करण्यात आली. सन २०२१ मध्ये झालेल्या सार्वत्रिक निवडणुकीमध्ये महिला प्रवर्गासाठी राखीव असलेल्या सरपंच जागेसाठी यापूर्वी सौ. आदिती अनिल नारकर यांनी सरपंचपद भूषवले होते. त्यानंतर  दुसरी संधी म्हणून नाधवडे नवलादेवीवाडीतील ग्रामपंचायत सदस्य सौ शैलेजा मनोहर सुतार यांना सरपंच पदी बिनविरोध निवड करण्यात आली. 
नाधवडे गावातील युवा कार्यकर्त्यांनी एकत्र बसून सर्वांना संधी मिळावी म्हणून पाच वर्षाच्या कालावधीमध्ये सरपंच पदाच्या मुदतीमध्ये विभागणी करून संधी देण्याचे ठरवले होते. त्यानुसार आता ही संधी शैलेजा मनोहर सुतार यांना देण्यात आली. यावेळी  नुतन सरपंच यांचा सत्कार नाधवडे गावातील औदुंबर सेवा स्ट्रस्ट चे अध्यक्ष मनोहर नारकर, माजी सभापती बाप्पी मांजरेकर, जिल्हा परिषद सदस्य सुधीर नकाशे, माजी उपसभापती बंड्या मांजरेकर, माजी तालुकाध्यक्ष सुहास सावंत, सोशल मीडिया प्रमुख बाबा कोकाटे, परशुराम ईस्वलकर, महेश गोखले, अनिल नारकर, माजी सरपंच अदिती नारकर, उपसरपंच सूर्यकांत कांबळे, रवींद्र गुंडये, दीपक पार्टे,  रमाकांत पांचाळ, संतोष पेडणेकर, संतोष यादव, बाबू तावडे, ग्रामपंचायत सदस्य लीना पांचाळ, ऋतुजा यादव, श्रीरंग पावसकर, गोपाळ कोकाटे, संजय पेडणेकर, रवींद्र मांजरेकर आदी उपस्थित होते. 
नाधवडे गावातील  इतिहासामध्ये नवलादेवी वाडीतील ग्रामपंचायत सदस्याला प्रथमच सरपंच पद मिळण्याचे भाग्य सौ शैलेजा मनोहर सुतार यांना मिळाले आहे. त्यामुळे नवलादेवी वाडीतील ग्रामस्थांचा उत्साह द्विगुणित झाला आहे. सर्वत्र उत्साहाचे वातावरण होते. त्यांचे नवलादेवीवाडीत जंगी स्वागत करण्यात आले.
यावेळी उपस्थित ग्रामपंचायत सदस्य सर्व कार्यकर्त्यांचे ग्रामस्थांचे जिल्हा परिषद सदस्य सुधीर नकाशे यांनी आभार मानले व यापुढेही अशाच बिनविरोध निवडणूक व्हाव्या यासाठी सर्वांना सहकार्याचे आवाहन करण्यात आले.