भुईबावडा घाट रस्ता रुंदीकरणासाठी प्रयत्नशील - आमदार नितेश राणे.
घाट मार्गाची अधिकाऱ्यांसमवेत आमदार नितेश राणे यांनी केली पाहणी.
वैभववाडी | नवलराज काळे : भुईबावडा घाट दुरुस्तीसाठी सव्वा दोन कोटी मंजूर करण्यात आले आहेत. हा घाट मार्ग रुंदीकरण करण्यासाठी पालकमंत्री रवींद्र चव्हाण यांच्याकडे पाठपुरावा सुरु आहे. अशी माहिती आमदार नितेश राणे यांनी पत्रकारांशी बोलताना दिली.आमदार नितेश राणे यांनी भुईबावडा घाटाची पाहणी केली. दरडीचा मोठा भाग कोसळल्या ठिकाणी आमदार नितेश राणे यांनी पाहणी केली. तसेच घाटात शंभर मीटर अंतरावर भेग गेली आहे. त्या ठिकाणी पाहणी करत अधिकाऱ्यांना सूचना केल्या. या घाटाच्या संरक्षण कडे तसेच भिंतीकडे दुर्लक्ष करू नका. करूळ घाटाप्रमाणे हा देखील महत्त्वाचा घाट आहे. या घाटाचा उपयोग पर्यायी चांगला होत आहे. त्यामुळे या घाटाकडे विशेष लक्ष देणार घाट रुंदीकरणासाठी निधी उभा करणार असे यावेळी आमदार नितेश राणे यांनी सांगितले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
