कै.सौ.इंगेट्राऊट नाईक अध्यापक विद्यालय ,कणकवलीच्या माजी विद्यार्थ्यांचा स्नेहमेळावा समारंभ संपन्न..!

मसुरे | प्रतिनिधी :
कै.सौ.इंगेट्राऊट नाईक अध्यापक विद्यालय कणकवली या अध्यापक विद्यालयातून सन १९८५ मध्ये अध्यापक पदविका मिळवलेली डीएड बॅचच्या विद्यार्थ्यांचा स्नेहमेळावा पिसेकामते येथील मैत्री गार्डन रिसाॅर्ट येथे झाला. मानसशास्त्र हा विषय शिकविणाऱ्या अध्यापिका अरूणा परशुराम आपटे यांच्या हस्ते स्नेहमेळाव्याचे उद्घाटन करण्यात आले. सर्व डीएड बॅच वर्गमित्र मैत्रीणिंचे स्वागत करून सौ.सुजाता कदम,सौ.शुभांगी तरावडे,सौ.पुष्पा बालम ,सौ नंदा पेडणेकर यांच्या सुस्वर शालेय प्रार्थनेने स्नेहमेळाव्याची सुरूवात करण्यात आली.

सर्वांचा परिचय करण्यात आला.श्री.सुरेश कदमांनी उत्कृष्ट निवेदन केले .कवी उदय सर्पे यांनी प्रास्ताविक करून मैत्रीगीत सादर केले.आदरणीय अरूणा आपटे यांचा बॅचच्या वतीने शाल श्रीफळ व साडी देऊन ह्रद्य सत्कार करण्यात आला.मॅडमानी आपले विचार मांडले शिक्षकांनी प्रत्येक खेडेगावात प्रामाणिकपणे अध्यापनाचे कार्य केले यातच आमचे सुख आहे असे सांगितले. श्री.नारायण आयरे,श्री.जयसिंग कांबळे,शुभांगी तरावडे,निर्मला सावंत,नंदा कदम आणि सुलभा पिळणकर यांनी आपली मनोगते मांडली. आभारप्रदर्शन श्री.सुभाष लोकरे यांनी मानले.