३ ते ३० नोव्हेंबरपर्यंत ऑनलाईन अर्ज स्वीकारणार..!

मुंबई | ब्यूरो न्यूज :
महाराष्ट्र शासनाने राज्यात २० हजार पोलीस पदांची भरती जाहीर केली आहे. यामध्ये जिल्हयात ९० पोलीस शिपाई व २१ पोलीस वाहन चालक अशी १११ पोलीस पदांची भरती होणार आहे लवकरच पोलीस पदाची जाहिरात प्रसिद्ध करून ३ ते ३० नोव्हेंबर या कालावधीत ऑनलाईन पद्धतीने अर्ज स्वीकारले जाणार आहेत. गेली दोन वर्षे पोलीस भरती झाली नव्हती. त्यामुळे युवावर्गाला पोलीस भरतीची प्रतीक्षा होती. पोलीस भरतीला नुकतीच मंत्रिमंडळ बैठकीत मान्यता दिल्यानंतर उपमुख्यमंत्री देवेंद्र फडणवीस यांनी राज्यात २० हजार पोलीस पदे भरणार असे जाहीर केले होते. त्यानंतर संभाव्य रिक्त पदांची यादी जाहीर केली आहे.

पोलीस भरतीमध्ये रिक्त पदे असलेल्या संभाव्य यादीमध्ये सिंधुदुर्ग जिल्ह्यात १११ पदे भरली जाणार आहेत. त्यामध्ये ९० पोलीस शिपाई पदे आणि २१ पोलीस वाहन चालक पदे भरली जाणार आहेत पोलीस पदास प्रथम ५० गुणांची शारीरिक चाचणी घेतली जाणार आहे. त्यामध्ये किमान ५० टक्के गुण मिळणे आवश्यक त्यामधून एकूण पदाच्या एकास या प्रमाणात उमेदवारांची १०० लेखी परीक्षा घेतली जाणार त्यात किमान ४० टक्के गुण आवश्यक आहे. त्यामधून गुणवत्ता तयार करून भरती केली जाणार

सिंधुदुर्ग पोलीस दलातील रिक्त भरण्यासाठी लवकरच जाहिरात केली जाणार आहे. त्यानंतर ३ नोव्हेंबर या कालावधीत ऑनलाईन अर्ज स्वीकारले जाणार आहेत, अशी माहिती जिल्हा पोलीस यंत्रणे कडून देण्यात आली आहे.