माध्यमिक विद्यामंदिर साळशीचे मुख्याध्यापक माणिक वंजारे यांना गोव्याचे माजी मुख्यमंत्री लक्ष्मीकांत पार्सेकर यांच्या हस्ते आंतरराज्य आदर्श मुख्याध्यापक पुरस्कार प्रदान..!
संतोष साळसकर | ब्युरोचीफ :
बेळगाव येथे ८ ऑक्टोंबर रोजी संपन्न झालेल्या आंतरराज्य गौरव पुरस्कार वितरण सोहळ्यामध्ये देवगड तालुक्यातील माध्यमिक विद्यामंदिर साळशी चे मुख्याध्यापक माणिक शंकर वंजारे यांना नॅशनल रुरल डेव्हलपमेंट फाउंडेशन, बेळगाव व हेल्थ अँड नेचर डेव्हलमेंट सोसायटी, बेळगाव (रजि. कर्नाटक राज्य सरकार व भारत सरकार) यांच्या तर्फे महाराष्ट्र, गोवा व कर्नाटक या राज्यांमधून आदर्श मुख्याध्यापक आंतरराज्य गौरव पुरस्कार या पुरस्कारांने गौरवण्यात आले.
सदरचे पुरस्कार गोव्याचे माजी मुख्यमंत्री लक्ष्मीकांत पार्सेकर, केंद्रीय मंत्री श्रीमती रत्नमाला सावनूर- बेळगाव चे खासदार बॅ.अमरसिंह पाटील , श्री.राजू शिंगाडे साहेब-मा.महापौर- कोल्हापूर महानगरपालिका, श्री.निलेश लंके -आमदार,व इतर मान्यवर यांच्या हस्ते व उपस्थितीत पुरस्कार प्रदान करण्यात आला.पुरस्कारामध्ये अभिनंदन पत्र, सन्मान पत्र, स्मृती चिन्ह, म्हैसूर फेटा व चंदन हार यांचा समावेश होता.
माध्यमिक विद्यामंदिर साळशी च्या माणिक वंजारे सरांच्या या दैदिप्यमान व कर्तृत्ववान कार्यासाठी त्यांच्या परिवाराने, स्कूल कमिटी चेअरमन सत्यवान सावंत ,साळशी ग्रामविकास मंडळाचे सर्व सदस्य, सर्व शिक्षक व शिक्षकेतर कर्मचारी, सर्व पालक व विद्यार्थी या सर्वांनी सरांच्या या दैदिप्यमान कामगिरी बद्दल हार्दिक अभिनंदन केले आहे. तसेच त्यांच्या भविष्यातील पुढील कार्यासाठी त्यांना शुभेच्छा दिल्या आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
