बांदा येथे काणेकर कुटुंबीयातर्फे कोजागिरी पोर्णिमा निमित्त साईबाबा उत्सवाचे आयोजन.
सकाळी श्री साई बाबांची महापूजा होणार संपन्न.
यंदा आहे उत्सवाचे ६९ वर्ष.
बांदा | राकेश परब : सिंधुदुर्ग जिल्ह्यातील बांदा बाजारपेठेत दरवर्षी प्रमाणे श्री काणेकर कुटुंबियांतर्फे कोजागिरी पोर्णिमा निमित्त श्री साईबाबांचा उत्सव साजरा होत असतो. याहीवर्षी तो भक्तीमय वातावरणात साजरा होत आहे. यंदा या उत्सवाला ६९ वर्षे पूर्ण होत आहे. या उत्सवा निमित्त विविध धार्मिक व सांस्कृतिक कार्यक्रमांचे आयोजन करण्यात येत आहे.
सर्वांनी सहकुटुंब सहपरिवार येऊन उपस्थित राहून या कार्यक्रमाचा लाभ घ्यावा अशी विनंती काणेकर कुटुंबियांकडून करण्यात आली आहे.
या कार्यक्रमाला रविवारी सकाळी १० वाजता श्री. साईबाबांची महापुजा दुपारी १२ वाजता श्री साईबाबांची आरती दुपारी १ ते ३ वाजेपर्यत महाप्रसाद
संध्याकाळी ४ वाजल्यापासुन तिर्थप्रसाद व रात्री ९ वाजता पहिल्या सत्रात गोव्यातील नामवंत भजनी कलाकार श्री.पांडुरंग राऊळ. श्री.विठ्ठल शिरोडकर .श्री प्रल्हाद गवस आणि त्यांचे सहकलाकार यांचा पारंपारीक भजनाचा कार्यक्रम होईल. त्या नंतर दुसऱ्या सत्रात रात्री ठीक ११ वाजता जेष्ठ संगीतकार, रचनाकार व गायक स्व.पं.जितेंद्र अभिषेकी बुवा यांचे सत्शिष्य पं. हेमंत पेंडसे (पुणे ) यांचा शास्त्रीय/उपशास्त्रीय गायनाचा कार्यक्रम होणार आहे.
त्यांना साथसंगत पं.श्री तुळशीदास नावेलकर (गोवा) व संवादिनी:- श्री राया कोरगांवकर (गोवा) हे करतील
त्यानंतर तिसऱ्या सत्रात डॉ श्री राम देशपांडे यांचे शिष्य श्री नहुष लोटलीकर (गोवा) यांचा शास्त्रीय/उपशास्त्रीय गायनाचा कार्यक्रम होणार आहे. त्यांना साथसंगत – श्री सुनाद राया कोरगांवकर ( हार्मोनियम )
श्री बुद्देश तळकर (तबला) हे करतील. तरी सर्व रसिक श्रोत्यांनी या कार्यक्रमाचा लाभ घ्यावा अशी विनंती काणेकर कुटुंबियांकडून करण्यात आली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
