रोटरी क्लब मालवणचे अध्यक्ष रतन पांगे यांच्या हस्ते झाला सन्मान.

मालवण | सुयोग पंडित : सिंधुदुर्ग जिल्ह्यातील मालवण रोटरी क्लबने आज, नगरपरिषद मुख्याधिकारी संतोष जिरगे यांचा सत्कार केला.
भारतीय केंद्र शासनाने आयोजित केलेल्या अमृत महोत्सव अंतर्गत इंडियन ) स्वच्छता लीग स्पर्धेत मालवण नगरपरिषद अव्वल ठरली. या स्पर्धेत ‘मालवण वाॅरीअर्स’ चे नेतृत्व करणारे नगरपरिषद मुख्याधिकारी संतोष जिरगे यांचा विशेष पुरस्कार देऊन देशपातळीवर सन्मान करण्यात आला होता.

या पार्श्वभूमीवर मालवण रोटरी क्लबच्या वतीने मुख्याधिकारी तथा प्रशासक संतोष जिरगे यांचा मंगळवारी विशेष सत्कार करण्यात आला.

यावेळी मालवण नगरपरिषद शहर समन्वयक निखिल नाईक, बांधकाम पर्यवेक्षक सुधाकर पाटकर, लिपिक महेश परब, पाणी पुरवठा अभियंता राजा केरीपाळे यांचाही सहकार्य व सेवेबद्दल रोटरी क्लबने सन्मान केला.
मालवण नगरपरिषद कर्मचारी वृंदाचीही रोटरी क्लबने प्रशंसा केली.

मालवणच्या रोटरी क्लब अध्यक्ष रतन पांगे यांनी यांनी मुख्याधिकारी संतोष जिरगे यांना सन्मानित केले.
या सत्कार समारंभाला सेक्रेटरी रो. अभय कदम, खजिनदार रो. रमाकांत वाक्कर, माजी अध्यक्ष रो. उमेश सांगोडकर, रो. डॉ. अजित लिमये, रो. डॉ. लीना लिमये, रो. बाळू तारी, रो. भाऊ साळगावकर, रो. अनिल चव्हाण, रो. चाचा हडकर, रो. अजय जोशी, रो. ऋषिकेश पेणकर, रो. संदेश पवार, रो. रंजन तांबे विशेष उपस्थित होते.

(फोटो सौजन्य: मालवण ब्युरो)