धक्क्यावर आयोजीत भव्य गरबा कार्यक्रमला मनसे पदाधिकारी,कार्यकर्ते आणि मनविसे पदाधिकारी व कार्यकर्त्यांची नियोजनबद्ध आखणी ; ज्येष्ठ नागरीकांनाही आग्रहाचे निमंत्रण.

विशेष आकर्षण म्हणून सांघिक रास दांडिया गरबा नृत्य तसेच वेशभूषा स्पर्धा देखील आयोजित .

मालवण | सुयोग पंडित : सध्या संपूर्ण मालवण शहर व तालुकावासियांमध्ये, ‘मनसे व मनविसे आयोजीत खुल्या स्तरावरील गरबा’ कार्यक्रमाची उत्सुकता शिगेला पोहोचली आहे.

उद्या ५ ऑक्टोबर २०२२ दसऱ्या दिवशी तथा विजया दशमीदिवशी मालवण वासीयांसाठी महाराष्ट्र नवनिर्माण सेना आणि महाराष्ट्र नवनिर्माण विद्यार्थी सेने कडून भव्य खुली गरबा स्पर्धा आयोजित करण्यात आली आहे. या स्पर्धेत मालवण वासीय लहान मुले ,तरुण-तरुणींना तसेच ज्येष्ठ नागरीकांनाही खुला गरबा खेळण्यासाठी केलेले आयोजन आहे.
यातील सहभागी व्यक्तींमधून उकृष्ट व्यक्तींना पुरुष,महिला व जेष्ठ आकर्षक पारितोषिके देण्यात येणार आहे. त्याच बरोबर ह्या स्पर्धे दरम्यान विशेष आकर्षण म्हणून सांघिक रास दांडिया गरबा नृत्य तसेच वेशभूषा स्पर्धा देखील आयोजित करण्यात येणार आहे तरी मालवण वासीयांनी मोठ्या संख्येने ह्या भव्य गरब्यासाठी सहभागी व्हावे असे आवाहन मनसे व मनविसे कडून करण्यात आले आहे.

या अभूतपूर्व आयोजनासाठी गेले काही दिवस मनसैनिकांनी, पदाधिकार्यांनी व मनविसे कार्यकर्त्यांनी अथक परिश्रम घेतले आहेत. या उत्तम सांस्कृतिक व सामाजिक मनोरंजन सोहळ्याला सर्वांनी उपस्थित रहावे असे आवाहन मनसेचे मालवण तालुका प्रमुख श्री. विनोद सांडव यांनी केले आहे.