विवेक परब | एडिटोरिअल असिस्टंट : सिंधुदुर्ग जिल्ह्यातील मालवण तालुक्यातल्या चिंदर पडेकाप माळरानावर गावठी बाॅम्बचा फटका एका मुक्या बैलाला बसल्याची घटना घडली आहे.
चरण्यासाठी गेलेल्या बैलाने, अवैध शिकारीसाठी ठेवण्यात आलेला गावठी बॉम्ब चावल्याने बैलाचा जबडा फुटून बैलाला जबर इजा झाली.
आज दुपारच्या दरम्यान ही गोष्ट घडली यात बैल गंभीर जखमी झाला असून जबडा फुटला आहे.

याबाबत चिंदर अपराजवाडी येथील बैलाचे मालक मनोज दत्ताराम सावंत यांनी माहिती दिली. घटनेची माहित मिळाल्यानंतर आचरा पोलीस ठाण्याचे संदीप कांबळे अभिजित बाबल यांनी घटनास्थळी जाऊन पाहणी केली

चिंदर अपराजवाडी येथील शेतकरी मनोज दत्ताराम सावंत यांनी आपली गुरे चिंदर पडेकाप माळरानावर सकाळी चारण्यास सोडली होती. दुपारी गुरे आणण्यासाठी गेल्यावर त्याना बैल जबडा फुटलेल्या अवस्थेत रक्तबंबाळ झालेला दिसून आला बैल खाली पडून वेदनेने विव्हळत होता. मोठया प्रमाणात रक्तस्त्राव होत होता. त्यांनी पशुवैद्यकीय अधिकाऱ्यांना लागलीच बोलवत उपचार चालू केलेत.
शेतीच्या कामाचा बैल जखमी झाल्याने मनोज सावंत हे व्यथित झाले आहेत नुकसान भरपाईची अपेक्षा करत आहेत. जखमी बैलावर डॉ. कांबळे, डॉ.परुळेकर यांनी उपचार चालू केले होते.
मनोज सावंत यांच्या कामाच्या बैलाला इजा झाल्याने त्याची योग्य ती भरपाई शासनदरबारी मिळावी अशी मागणी व अपेक्षा मनोज सावंत यांनी व्यक्त केली आहे.