चिंदरच्या स्वप्निल गोसावींसह सिंधुदुर्गातील अन्य ७ सर्प व प्राणी मित्रांना 'द रिअल हिरो पुरस्कार २०२२' जाहीर..!
विवेक परब | एडिटोरिअल असिस्टंट : विवेकानंद शिक्षण प्रसारक मंडळ पहेणी हिंगोली द्वारा आयोजित व डॉ. संजय नाकाडे ,निलिमकुमार खैरे यांच्या वाढदिवसानिमित्त आयोजित सन्मान सोहळ्यात वन्यजीव क्षेत्रात उल्लेखनीय कार्य करत असल्यामुळे संपूर्ण महाराष्ट्रातील प्रत्येक जिल्ह्यातील वन्यजीव रक्षक व सर्प मित्रांची निवड करण्यात आली आहे.
अनेक मान्यवरांच्या उपस्थितीत हा सोहळा संपन्न होणार आहे.
मालवण तालुक्यातील चिंदर येथील सर्प मित्र स्वप्निल गोसावी यांचा या पुरस्कारात समावेश आहे. त्याबरोबर सिंधुदुर्ग जिल्ह्यातील अनिल गावडे, महेश राऊत, प्रदीप बाणे, डाँ. रविंद्र रेडकर, यज्ञेश खरात, विठ्ठल गवस, दिपक दुतोंडकर या अन्य प्राणी मित्रांचा यात समावेश आहे.
हा पुरस्कार सोहळा २३ सप्टेंबरला शुक्रवारी सकाळी १० वाजता, देशमुख सभागृह ,हिंगोली येथे आयोजीत करण्यात आला आहे.
प्राणीमित्र/सर्पमित्र श्री.विजयराज पाटील मित्र मंडळ हिंगोली व संपूर्ण महाराष्ट्रातील प्राणीमित्र व सर्पमित्र यांच्याकडून हा सोहळा आयोजित करण्यात आला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
