मालवण (शहर मंडल ) भाजप भटके-विमुक्त आघाडी अध्यक्षपदी अशोक मोहीते…!
जिल्हा अध्यक्ष नवलराज काळे यांनी निवड केली जाहीर .
मालवण | सुयोग पंडित : माजी आमदार नरेंद्र पवार व महाराष्ट्र प्रदेशाध्यक्ष (भटके-विमुक्त आघाडी) यांच्या नेतृत्वाखाली माजी खासदार निलेश राणे व सिंधुदुर्ग जिल्हाध्यक्ष माजी आमदार राजन तेली यांच्या मार्गदर्शना नुसार सिंधुदुर्ग जिल्हा भाजप भटके-विमुक्त आघाडीच्या मालवण शहर मंडल अध्यक्ष पदी मालवण तालुक्यातील सामाजिक क्षेत्रात अग्रेसर असणारे जेष्ठ समाजसेवक अशोक मोहिते यांची निवड करण्यात आली. अशोक मोहिते मालवण तालुका बेलदार भटका समाज संघटनेचे विद्यमान तालुका अध्यक्ष असून तालुक्यासहित सिंधुदुर्ग जिल्ह्यात त्यांचा दांडगा जनसंपर्क आहे त्यांचे निवडीने भारतीय जनता पार्टी भटके विमुक्त आघाडीला निश्चितपणाने ताकद मिळेल असा विश्वास जिल्हाध्यक्ष नवलराज काळे यांनी व्यक्त केला.
मालवण येथील भारतीय जनता पार्टी भटके विमुक्त आघाडी तालुकाध्यक्ष श्री. शांताराम(बाळा)गोसावी यांच्या निवासस्थानी संपन्न झालेल्या मालवण कार्यकारणी बैठकीमध्ये जिल्हाध्यक्ष नवलराज काळे यांच्या हस्ते नियुक्ती पत्र देऊन निवड जाहीर करण्यात आली. यावेळी बोलताना श्री अशोक मोहिते म्हणाले की भाजप पक्षाला यांना अभिप्रेत असणारे काम आघाडीच्या माध्यमातून करू व आघाडीतील सर्व समाजाच्या उन्नतीसाठी आपण प्रयत्न करु. समाजातील जातीचे दाखले, रस्ते कामे यांसारखे कामे अजून प्रलंबित आहेत त्याचा आपल्या आघाडीकडून पाठपुरावा करून समाजाला न्याय देण्यासाठी आपण कटिबद्ध आहोत सर्वांनी एकत्र मिळून काम करूया असे प्रतिपादन केले.
यावेळी भाजप भटके विमुक्त आघाडी जिल्हा अध्यक्ष श्री नवलराज काळे, जिल्हा सरचिटणीस शशिकांत इंगळे, मालवण तालुका अध्यक्ष शांताराम उर्फ बाळा गोसावी,जिल्हा कार्यकारणी सदस्य रवी चव्हाण,तालुका उपाध्यक्ष सुनील वरक,राजू मानवर, अमित गोसावी व इतर पदाधिकारी कार्यकर्ते उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
