सिंधुदुर्ग जिल्ह्यातील कुडाळ तालुक्यातील ओरोस बुद्रुक नं. १ या प्राथमिक प्रशालेच्या उपक्रमशील शिक्षिका रिया आळवेकर यांची निवड…!

संतोष साळसकर | ब्युरोचीफ :
वृंदावन फाऊंडेशन – विवेक व्यासपीठ, पुणे आयोजित गुरुजन गौरव सोहळा २०२१ – २२ रविवारी दिनांक १८ सप्टेंबरला सकाळी १० वाजता डेक्कन एज्युकेशन सोसायटी, प्रशासकीय भवन,ज्ञानेश्वर पादुका चौक,एफ.सी.रोड पुणे येथे डॉ. अर्चना कुडतरकर (का. संपादिका, शिक्षण विवेक) यांच्या शुभ हस्ते तसेच ह.भ.प. शिवाजीराव मोरे महाराज (जगद्गुरु संत तुकोबाराय यांचे वंशज) यांच्या मार्गदर्शनाखाली संपन्न होणार आहे. या कार्यक्रमाचे अध्यक्ष डॉ. सुनिल गायकवाड (मा खासदार लातूर) असून श्री गायकवाड यांनी देश विदेशातून १७ पदव्या संपादन केलेल्या आहेत.

यावेळी प्रमुख पाहुणे डॉ. सुभाष चव्हाण (संचालक, एस.एन.डी.टी महिला विद्यापीठ मुंबई) सोमनाथ लांडगे (शैक्षणिक, सामाजिक चळवळीतील कृतीशील कार्यकर्ते) असून यावेळी पुरस्कार प्राप्त गुरुजन डॉ. प्रभाकर चव्हाण, राजेश डोमळे, संतोष आगलावे, श्री. व सौ. रोहिणी – दिलीप सोनकवडे, महादेव यादव, सौ. रेखा जेवळीकर, संपतराव देशमुख, तात्याबा कांबळे, सौ. पुनम गुजर, प्रो. डॅनियल पेणकर, रिया आळवेकर, एकनाथ चव्हाण, अमोल शिंदे, दिपक धामापूरकर, शंकर चौधरी यांचा सत्कार होणार आहे.तरी या सोहळ्याला सर्वांनी उपस्थित रहावे असे आवाहन अर्चना खंडागळे , अमेय महाजन देवीदास बिनवडे, अलका सपकाळ यांनी केले आहे.