तरुणांची गळफास लावून आत्महत्या
वैभव माणगांवकर / मालवण : मालवण तालुक्यातील वायरी जाधववाडी येथील राहणाऱ्या धीरज संजय भगत (वय :२५) या तरुणाने गळफास लावून आत्महत्या केल्याची घटना आज सकाळी घडली आहे.
वायरी जाधववाडी येथील अविवाहित असलेला धीरज हा तारकर्ली येथील पर्यटन केंद्रात कामाला होता. शांत व मितभाषी या स्वभावामुळे तो परिचित होता. धीरज याने आज सकाळी ९ वाजण्याच्या सुमारास बाजारातून भाजी आणून घरात दिली व तो बाहेर गेला. त्यानंतर धीरज याचा मृतदेह लगतच असलेल्या एका रिसॉर्टच्या मागील जिन्याला गळफास लावलेल्या स्थितीत ग्रामस्थांना दिसून आला. या ठिकाणी ग्रामस्थानी धाव घेतली होती.याबाबतची माहिती मालवण पोलीसांना देण्यात आली. पोलीस निरीक्षक एस. एस. ओटवणेकर, उपनिरीक्षक सचिन पाटील, सिद्धेश चिपकर, पांचाळ यांनी घटनास्थळी जात पंचनामा केला. मृतदेह शवविच्छेदनसाठी मालवण ग्रामीण रुग्णालयात नेहण्यात आला. धीरज यांच्या पश्चात आई, वडील, भाऊ असा परिवार आहे. या बाबतचा अधिक तपास पोलीस निरीक्षक श्री. ओटवणेकर यांच्या मार्गदर्शनाखाली सहायक पोलीस निरीक्षक भारत फारणे करत आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
