दरवर्षी सर्वसामान्यांना मांगल्याच्या भेटी देणारे आमदार वैभव नाईक .

मालवण | सुयोग पंडित (विशेष) : कुडाळ मालवण विधानसभा मतदारसंघाचे आमदार वैभव नाईक यांनी दरवर्षीप्रमाणे यावर्षीही गणेशोत्सवानिमित्त कुडाळ मालवण वासियांना श्री. गणेश पूजेच्या विविध साहित्याची भेट दिली आहे.
यामध्ये अगरबत्ती, तेल, कापूर, खडीसाखर,गणपती कॅलेंडर , पिशवी हे साहित्य भेट स्वरूपात देण्यात येत आहे. मोठ्या उत्साहात या साहित्याचे वाटप सुरु करण्यात आले असून चिमुकल्या मुली, मुले देखील यात सहभागी होऊन घरोघरी साहित्य पोच करीत आहेत.

गेली अनेक वर्षे आमदार वैभव नाईक भक्तिभावाने आवडीने हे विविध साहित्य भेट देत आहेत.आमदार वैभव नाईक यांनी दिलेली हि प्रेमाची भेट कुडाळ मालवण तालुक्यात प्रत्येक घराघरात पोहोचविण्यासाठी प्रत्येक गावातील शिवसैनिक मेहनत घेत आहेत. रात्र रात्र जागून कार्यकर्ते हे साहित्य पिशव्यांमध्ये पॅक करून घराघरात पोहचवत आहेत.

खरेतर या सर्व पूजा साहित्यातील छोट्या छोट्या पण अत्यावश्यक वस्तू. यांतील प्रत्येकाचा सुगंध हा निरामय आणि सात्विक. आमदार वैभव नाईक यांनी हाच सुगंध यथाशक्ती प्रत्येकाच्या जीवनात द्यायचा त्यांचा प्रतिवर्षीचा सुप्रघात सुरु ठेवल्याबद्दल कुडाळ मालवण विधानसभा मतदारसंघात समाधान व्यक्त होत आहे.