पिराची भाट हज़रत सय्यद नूरुद्दीन शहा दर्ग्याजवळ किल्ले सिंधुदुर्गहून ताज़िया दाखल.

जिल्हा बॅन्क संचालक बाबा परब यांनी घेतले ताबुतांचे दर्शन..!

मालवण | सुयोग पंडित : सिंधुदुर्ग जिल्ह्यातील मालवण शहरातला पारंपारिक मोहर्रम सोहळा उत्साहपूर्ण वातावरणात सुरु झाला आहे.

प्रतिवर्षाप्रमाणे यंदा मोहर्रमच्या 11 व्या दिवशी म्हणजे आज दि.09 ऑगस्ट रोजी ताज़ीया विधी किल्ले सिंधुदुर्गातून एक प्रदक्षिणा करुन पारंपारिक ताबुत जोड ,पारंपारिक वाद्ये वाजवत होडीमार्फत पिराची भाट हज़रत सय्यद नूरुद्दीन शहा दर्ग्याजवळ सुमारे १२ वाजता आणण्यात आला.

यावेळी मुस्लीम बांधवांसह जोशीवाडा येथील दादा तारी, फारुख़ मुकादम,नदीम मुज़ावर,मोसीन शेख़ व इतर सेवाभावी व्यक्तिमत्वे उपस्थित होती.

यंदाच्या या सोहळ्याचे मानकरी कुटुंब मुज़ावर बंधूंपैकी सादीक मुज़ावर,सलाम मुज़ावर आणि इम्रान मुज़ावर यांच्यासह इतर मुस्लिम बांधवांनी दर्ग्याजवळील ताज़ीया विधींना आरंभ केला. या दरम्यान अनेक भाविकांनी ताबुतांचे दर्शन घेतले. यावेळी उपस्थित छोट्या बालकांनी ढोल ताशांचा गजर केला.

यावेळी दर्ग्यासमोर येऊन जिल्हा बॅन्क संचालक बाबा परब यांनी ताबुतांचे दर्शन घेतले. यावेळी त्यांच्यासोबत जाॅमी फर्नांडिस व इतर मान्यवर उपस्थित होते.