<em>तालुकास्तरीय विविध स्पर्धेत विराज कोदले याचे घवघवीत यश..!</em>

प्रकाशन: 08 Aug 2022 11:51 AM

वाचन संख्या 91

देवगड

संतोष साळसकर | ब्युरोचीफ :
स्वातंत्र्याचा अमृतमहोत्सव अंतर्गत स्वराज्य महोत्सव निमित्त घेण्यात आलेल्या तालुकास्तरीय विविध स्पर्धेत केंद्र शाळा साळशी नं .१ या प्रशालेतील विराज सुनील कोदले याने घवघवीत यश संपादन केले आहे.

केंद्र शाळा साळशी नं १ या प्रशालेतील विराज कोदले यांने पहिली ते चौथीच्या गटात निबंध स्पर्धेत प्रथम क्रमांक, चित्रकला स्पर्धेत प्रथम क्रमांक मिळविला आणि वक्तृत्व स्पर्धेत तृतीय क्रमांक प्राप्त केला.

विराज कोदले याची जिल्हास्तरीय स्पर्धेसाठी निवड झाली आहे.या स्पर्धेत तालुक्यातील २२ केंद्रातील विद्यार्थी सहभागी झाले होते. या विद्यार्थ्यांस साळशी केंद्र शाळेच्या केंद्रप्रमुख वर्षा लाडगावकर केंद्र मुख्याध्यापक गंगाधर कदम सहशिक्षक संतोष मराठे उपशिक्षका हेमलता जाधव वर्ग शिक्षिका स्मिता कोदले यांचे मार्गदर्शन लाभले.
त्याच्या या यशाबद्दल सर्व स्तरातून अभिनंदन होत असून पुढील स्पर्धेसाठी शुभेच्छा दिल्या आहेत.

संबंधित बातम्या