चिंदर | विवेक परब :
ह्यूमन राईट असोसिएशन फॉर प्रोटेक्शन च्या वतीने मालवण तालुक्यातील माळगांव तलाठी सजा व आंगणेवाडी तलाठी सजा पूर्ववत मसुरा मंडळ अधिकारी कार्यालयाला जोडण्यात यावे. अशा मागणीचे निवेदन मालवण तहसीलदार यांना देण्यात आले.
मळगाव तलाठी सजा व आंगणेवाडी तलाठी सजा गेली दोन वर्ष कोळंब मंडळ अधिकारी कार्यालयाला जोडलेले आहेत. त्यामुळे माळगांव पंचक्रोशीतील व आंगणेवाडी पंचक्रोशीतील ग्रामस्थ यांना कोळंब या ठिकाणी ग्रामस्थांना हेलपाटे मारावे लागत आहेत. जर कोळंब मंडळ अधिकारी यांची भेट झाली नाही तर वेळ , पैसा फुकट जातो. तसेच कोळंब मंडळ अधिकारी कार्यालय हे माळगांव सजा व आंगणेवाडी सजा पासून http://localhost/news/public/uploads/20 किलोमीटर अंतरावर आहेत. पर्यायाने आर्थिक बाबीचे मोठे नुकसान होत आहे.
यापूर्वी मळगांव तलाठी सजा व आंगणेवाडी तलाठी सजा मसुरे मंडळ अधिकारी कार्यालयाशी जोडलेल्या होत्या. मसुरे अंतर 07 किलोमीटर होते. वेळ,आर्थिकभार कमी होता. तरी वरील दोन्ही सजा पुन्हा पूर्ववत मसुरे मंडळ कार्यालयाला जोडण्यात याव्यात. अशी गावातील लोकांची मागणी ह्यूमन राईट असोसिएशन फोर प्रोटेक्शन जवळ केली आहे. त्याचे निवेदन मालवण तहसीलदार यांना देण्यात आले.सकारात्मक चर्चा झाली.
निवेदन देतेवेळी मालवण तालुका अध्यक्ष सुधीर धुरी, जिल्हा सचिव किशोर नाचनोलकर, मालवण सचिव राजेशकुमार लब्दे, जिल्हा स्वीकृत सदस्य अर्जुन परब मालवण तालुका निरीक्षक संदेश फाटक,संघटक महेश मयेकर, सदस्य रोहित हडकर. उपस्थित होते.