8 ऑगस्टला श्री देवी सातेरीची जत्रा..!

मालवण | सुयोग पंडित : सिंधुदुर्ग जिल्ह्यातील मालवण शहरातल्या ग्रामदैवत श्री देव रामेश्वर, श्री देव नारायण, श्री देवी सातेरी व इतर दैवतांचे सात्विक श्रावण महिन्यातील पवित्र धार्मिक विधी व कार्यक्रम जाहीर झाले आहेत.

श्रावण महीन्यातील कार्यक्रमांचा आरंभ पहिला श्रावण सोमवार ०१ ऑगस्ट २०२२ पासून होत आहे. या दिवशी भक्ती गायनाचा कार्यक्रम (सायं. ४ ते ७ वाजेपर्यंत) असे वैशिष्ट्य असेल.

शुक्रवार दि. ०५ ऑगस्ट रोजी पहिला दादरा (खापरेश्वर) (सायं. ६.३० वा. निघतील.)
रविवार दि. ०७ ऑगस्ट २०२२ रोजी दुसरे दादरा निघतील
दोन्ही दादरे काढणे रांजेश्वर, सिसमोडा (सायं. ६.३० वा. निघतील)

दुसरा श्रावण सोमवार दि. ०८ ऑगस्ट २०२२ रोजी असून त्यादिवशी श्री देवी सातेरीची जत्रेचे आयोजन केले आहे. (स.१० वा. पासून ओटी भरण्याचा कार्यक्रम)

तिसरा श्रावण सोमवार दि. १५ ऑगस्ट २०२२ रोजी असून त्यादिवशी भजनाचा कार्यक्रम (सायं. ५ ते ८ वाजेपर्यंत) रंगणार आहे.
श्री देव नारायण मंदिरमध्ये गोकुळ अष्टमी उत्सवाचे आयोजन करण्यात आले आहे.

गुरुवार दि. १८ ऑगस्ट ते मंगळवार दि. २३ ऑगस्ट २०२२ पर्यंत रोज रात्रौ ७.३० वाजल्यापासून पुराण व किर्तनाचा कार्यक्रम. चौथा श्रावण सोमवार दि. २२ ऑगस्ट २०२२ रोजी स. ८ वाजता लघुरुद्र स. ९.३० वा. श्री वरदशंकराची महापूजा (तिर्थप्रसाद १ वा. पासून) सायं. ४ ते रात्रौ ९ वाजता गायन व भजने असे कार्यक्रम असतील.

याच दिवशी श्री भावई देवीची जत्रा (स. १० वा. ओटी भरण्याचा कार्यक्रम) आयोजीत होत आहे.

सात्विक श्रावणातील या सर्व मंगल कार्यक्रमांचा सर्व भाविकांनी लाभ घ्यावा अशी देवस्थानतर्फे नम्र विनंती करण्यात आली आहे.