<em>दिपक पेडणेकर यांना जिल्हा परिषदेचा आदर्श गुणवंत कर्मचारी पुरस्कार प्रदान….!</em>
चिंदर/विवेक परब :
मसुरे गावचे सुपुत्र आणि सिंधुदुर्ग जिल्हा परिषद कर्मचारी दीपक पेडणेकर यांना जिल्हा परिषद मधील त्यांच्या आदर्श अशा आजवरच्या कार्याचा गौरव म्हणून जिल्हा परिषद कर्मचारी, अधिकारी यांच्या सांस्कृतिक कार्यक्रमात जिल्हा परिषद आदर्श गुणवंत कर्मचारी पुरस्कार सिंधुदुर्ग जिल्हा परिषदेचे मुख्य कार्यकारी अधिकारी प्रजित नायर यांच्या हस्ते आणि उपमुख्य कार्यकारी अधिकारी राजेंद्र पराडकर यांच्या उपस्थितीत हा पुरस्कार प्रदान करण्यात आला. मानपत्र, शाल, श्रीफळ, पुष्पगुच्छ असे पुरस्काराचे स्वरूप होते.
या वेळी अतिरिक्त उपमुख्य कार्यकारी अधिकारी श्री. कापडणीस, वित्त अधिकारी श्रीमती वल्लरी गावडे मॅडम, कुडाळ गटविकास अधिकारी विजय चव्हाण, मालवण गटविकास अधिकारी श्रीयुत गुजर साहेब, सावंतवाडी गटविकास अधिकारी श्री. नाईक साहेब, पाणी स्वच्छता मिशन उपमुख्य कार्यकारी अधिकारी श्री ठाकूर साहेब, शिक्षणाधिकारी धोत्रे साहेब आदी मान्यवर उपस्थित होते. जिल्हा परिषद मधील अतिशय चांगल्या अशा कामाची दखल जिल्हा प्रशासनाने घेऊन दीपक पेडणेकर याची निवड केली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
