यजमान महाराष्ट्राचे दोनही संघ, कर्नाटकच्या मुली आणि तामिळनाडूच्या मुलांना चौथ्या दिवसाचे मानांकन..!

४१ व्या युवा राष्ट्रीय बास्केटबॉल चॅम्पियनशिपची रंगत वाढली.

क्रीडा | ब्यूरो न्यूज : पुणे येथे सुरू असलेल्या सीएम चषक ४१ व्या युवा राष्ट्रीय बास्केटबॉल चॅम्पियनशिपच्या चौथ्या दिवशी म्हणजे शुक्रवारी ३० ऑक्टोबर २०२६ रोजी, यजमान महाराष्ट्र संघ, कर्नाटक मुली आणि तामिळनाडू मुलांच्या संघाने त्यांचे सामने जिंकले.

मुलींच्या गटात, महाराष्ट्राने छत्तीसगडवर ५७-४८ असा दणदणीत विजय मिळवला, ज्यात सिया भोसले (१५), वैष्णवी परदेशी (१३) आणि सायसा भगत (१०) यांनी उल्लेखनीय गुण मिळवले. छत्तीसगडकडून दिव्या रंगारीने (१७) चांगली कामगिरी केली. प्रत्येक क्वार्टरमधील महाराष्ट्राच्या बाजूने गुणफलक १६-१५, १५-९, १६-७, १०-१७ असे होते.

एका रोमांचक सामन्यात, कर्नाटकच्या मुलींनी त्यांची कर्णधार महेक शर्मा (१९) हिच्या उल्लेखनीय कामगिरीसह दिल्लीवर १२ गुणांनी ६८-५६ असा विजय मिळवला. दिल्लीकडून दिया सेहरावत (१४) हिने चांगली कामगिरी केली.

मुलांच्या गटात, महाराष्ट्राने त्रिपुरावर ७८-१८ असा विजय मिळवला, तर तामिळनाडूने दिल्लीवर सहा गुणांनी निसटता विजय नोंदवला. या अटीतटीच्या सामन्यात पहिल्या क्वार्टरमध्ये दोन्ही संघांनी प्रत्येकी १९ गुण मिळवले, तर दुसऱ्या क्वार्टरमध्ये तामिळनाडूने दिल्लीवर २३-२२ अशी मात करून मध्यंतरापर्यंत एक गुणाची आघाडी घेतली. मध्यंतरानंतर, तामिळनाडूने तिसरा आणि चौथा क्वार्टर अनुक्रमे २०-१८, २५-२२ असे जिंकून आपली आघाडी कायम ठेवली आणि चॅम्पियनशिपमधील आपली विजयी घोडदौड सुरू ठेवली.

निकाल

मुले : गुजरात (हाफिज मिठानी २७) बिटी तेलंगणा (कोविड श्रीवत्स २१) ८८-६७ (२७-१७, १४-९, २३-२०, २४-२१); तामिळनाडू (रंजित के १७) दिल्ली (टिळक १९)८७-८१ (१९-१९, २३-२२, २९-१८, २५-२२); महाराष्ट्र (आरव पांडे ११) बीटी त्रिपुरा रूपम दास ५) ७८-१८ (१६-२, २५-६, १५-५, १६-५); राजस्थान (अक्षय नायक १७, अभिषेक चौधरी १९) बीटी हरियाणा (टोनी १७) ८९-८३ (२५-११, २०-१५, १६-२१, २८-३६)

मुली : तेलंगणा (सानवी कोलिसेट्टी ३५) बीटी दिल्ली (गल्फसा २८) ७५-६२ (१७-१७, १४-१८, २२-१८, २२-९); महाराष्ट्र (सिया भोंसले १५, वैष्णवी परदेशी १३, सईसा भगत १०) बीटी छत्तीसगड (दिव्या रंगारी १७) ५६-४८ (१६-१५, १५-९, १६-७, १०-१७); कर्नाटक (महेक शर्मा १९) बीटी दिल्ली (दिया सेहरावत १४) ६८-५६ (२६-१४, १८-१४, ९-११, १५-१७)