चिंदर/विवेक परब :
चिंदर सडेवाडी शाळेत शाळा पूर्वतयारी अभियान मेळावा क्रमांक दोन आज मोठ्या उत्साहात संपन्न झाले. ढोल ताशांच्या गजरात गावात प्रभातफेरीचे काढण्यात आली. जून http://localhost/news/public/uploads/2022 मध्ये शाळेमध्ये दाखल होणाऱ्या विद्यार्थ्यांचे शाळेत औक्षण करून पुष्पगुच्छ देऊन स्वागत करण्यात आले. त्यानंतर मुलांचे शारीरिक विकास, बौद्धिक, विकास, भाषा, विकास, गणन पूर्वतयारी अशाप्रकारच्या विविध स्टॉलवर या विद्यार्थ्यांचे शाळा पूर्वतयारीसाठी आवश्यक कृतीतून मूल्यांकन करण्यात आले. तसेच उद्बोधन वर्गात आपल्या पाल्याचा घेतलेल्या सरावाबद्दल त्यांचे अभिनंदन करण्यात आले. तसेच शाळेच्या पहिल्याच दिवशी मुलांना गणवेश व पाठ्यपुस्तक वितरण करण्यात आले.

सदर कार्यक्रमास शाळा व्यवस्थापन समिती अध्यक्ष सौ श्रद्धा सुर्वे, सदस्य सौ अंजली गोसावी, सौ धनश्री गोसावी, सौ संजना लोके, केंद्रप्रमुख श्री प्रसाद चिंदरकर इतर पालक व ग्रामस्थ हे उपस्थित होते. केंद्रप्रमुख यांनी मेळावा तयारी व प्रत्यक्ष अंमलबजावणी याबाबत शिक्षकांचे व पालक- ग्रामस्थ यांचे विशेष कौतुक केले. सर्वांच्या सहकार्याने मेळावा उत्साहात संपन्न झाला.
सदर कार्यक्रमाचे सूत्रसंचालन श्री यशवंत पाटील सर यांनी केले तर आभार श्री संभाजी पवार सर यांनी मानले.