बांदा | राकेश परब :

       १९७२-७३ वर्षाच्या अकरावी एस. एस. सी. वर्गाच्या विद्यार्थ्यांचा रविवारी २९ मे रोजी खेमराज हायस्कुलच्या प्रांगणातच स्नेह-मेळावा मोठ्या उत्साहाने संपन्न झाला. सुरवातीलाच चहा-पोहा हा पारंपारिक अल्पोपहार कार्यक्रम झाला. ह्या वेळेस प्रत्येक जण एकमेकांना अनोळख्या नजरेने न्याहळत होते. पन्नास वर्षापूर्वीच्या चेहरामोहरात आमूलाग्र बदल झाला होता. सकाळी बरोबर दहा वाजता कार्यक्रमाचे मुख्य अतिथि , त्यावेळचे विद्यार्थी-प्रिय शिक्षक तसेच हायस्कुलचे माजी मुख्याध्यापक;मोहन देसाई यांचे आगमन झाले. त्याना घेऊन शाळेचे आताचे मुख्याध्यापक लक्ष्मण पावसकर आले होते. त्यांच्या हस्ते दीपप्रज्वलन करुन कार्यक्रमाचे उद्घाटन करण्यात आले. सुरवातीला संजय पावसकर यानी प्रास्ताविक करुन सर्वांचे स्वागत केले. दिवंगत विद्यार्थी स्वर्गवासी मुरारी पडते, भानुदास काणेकर, रघुवीर सातोस्कर, आनंद सावंत मोर्ये, वसंत परब, राघोबा चिंदरकर, ज्योत्स्ना मेस्त्री, सरोजिनी भिसे, उर्मिला पावसकर, सुमन सावंत, बंड्या जोशी, दिलीप आळवे, शेखर गोवेकर, विलास धामापुरकर, चांदसाब मुजावर, अजित कुबडे, विनोद शिरोडकर रवी शिर्के या सर्वांना श्रद्धांजली वाहण्यात आली.नंतर विद्यार्थीनी सौ. निलम नाईक गवंडळकर हिने पुष्पगुच्छ देऊन देसाई सरांचे स्वागत केले. सौ.सौदामिनी बर्वे नेरुरकर हिने पावसकर सरांना पुष्पगुच्छ देऊन त्यांचे स्वागत केले. विद्यार्थी जयप्रकाश कुबडे यांनी देसाई सरांचा शाल व श्रीफळ देऊन सत्कार केला. मुंबई पत्रकार संघातर्फे नुकताच श्री. देसाई सर यांना समाज भूषण हा पुरस्कार मिळाल्याबद्दल संजय पावसकर याने माजी विद्यार्थ्यांतर्फे देसाई सरांचे अभिनंदन आणि कौतुक केले.नंतर ओळख कार्यक्रम सुरु झाला. सूत्रसंचालक संजय पावसकर याने आपली ओळख करून कार्यक्रमाला सुरवात केली. प्रत्येकाने आपले नाव व सद्याच्या कौंटुबिक परिस्थिति बद्दल बोलताना जयप्रकाश कुबडे, बाबि वसकर, पुंडलिक बांदेकर, सुरेश सावंत, आबा धामापूरकर, दशरथ धुरी, चंद्रकांत तोरस्कर, पांडुरंग सावंत, भिकाजी जाधव, पांडुरंग तोरसकर, चंद्रकांत नार्वेकर, रमाकांत शेवडे, दिलिप नेरुरकर, शंकर मांजरेकर, सुर्यकांत दळवि, मदन कुंदेकर, लाडु केणी, सखाराम सावंत, श्रीधर कळंगुटकर, चंद्रकांत काळसेकर , शरद सावंत तसेच शैला नाटेकर ,पावसकर, निलम नाईक,गवंडळकर, शुभांगी गोवेकर ,कवळेकर, सौदामिनी बर्वे ,नेरूरकर व रंजना मेस्त्री यांनी आपआपली ओळख करुन दिली त्या मुळे कार्यक्रमात बरीच रंगत वाढली. देसाई सर प्रत्येकास दाद देत होते. शेवटीं शाळेचे मुख्याद्यापक श्री. पावसकर सर यानी उपस्थित विद्यार्थी वर्गाला मार्गदर्शन केले. आभार प्रदर्शन संजय पावसकर यानी केले. नंतर शाळेच्या आवारात फोटो सेशन झाले. दुपारच्या जेवणाचा कार्यक्रम झाल्यानंतर माजी विद्यार्थीनी भाग्यरेखा मिशाळ हिने आणलेला केक कापुन कार्यक्रमाची सांगता झाली १९७२-७३ वर्षाच्या विद्यार्थ्यांची आठवण म्हणुन शाळेसाठी स्टिल ऑफिस कपाट भेट म्हणुन देण्यात आले.