येत्या तीन दिवसांत मालवण शहर कचरामुक्त करण्याचा नगरपरिषद मुख्याधिकारी संतोष जिरगे व प्रशासनाचा संकल्प…

कंत्राटदाराने स्वच्छता कर्मचारी कमी केल्याने अपुरे कर्मचारी बळ..

पर्यटन महोत्सव आयोजनात कर्मचारी स्वयंसेवा देत होते असल्याने साचला होता कचरा..

मालवण | सुयोग पंडित : सिंधुदुर्ग जिल्ह्यातील मालवण नगरपरिषदेचे मुख्याधिकारी श्री संतोष जिरगे, आज स्वतः रस्त्यावर उतरुन शहरात सर्वत्र फिरुन कचरा व्यवस्थापनाच्या कामाची तपासणी करत आहेत.

गेले तीन दिवस पर्यटन महोत्सवात नगरपरिषदेचे स्वच्छता दूत तथा कर्मचारी व्यस्त असल्याने आणि स्वच्छता कंत्राटदार यांनी कामगार कमी केल्याने शहरात काही ठिकाणी कचरा साचण्याची समस्या निर्माण झाली होती. यांसदर्भात मुख्याधिकारी संतोष जिरगे यांनी काल नियोजन बैठक घेतली व आजपासून तीन दिवस शहर स्वच्छता मोहीम स्वतःच्या देखरेखीखाली सुरू केली.

येत्या तीन दिवसांत मुख्याधिकारी संतोष जिरगे यांच्या प्रशासकीय मार्गदर्शनाखाली संपूर्ण मालवण शहर स्वच्छ करण्याचा संकल्प व निश्चय नगरपरिषदेच्या प्रशासन,कर्मचारी व अधिकार्यांनी घेतला असल्याचे नगरपरिषदेचे प्रशासकीय अधिकारी श्री.सुधाकर पाटकर यांनी सांगितले आहे.

यावेळी नागरिकांना नगरपरिषद प्रशासनातर्फे रस्त्यावर माडाची झावळे टाकणे बंद करायची विनंती करण्यात आली आहे जेणेकरून कचरा साचण्याची समस्या कमी होईल. झावळे, फांद्या तोडून नागरिकांनी त्यांच्या आवारात ठेवून न.प कळवले तर नगरपरिषद प्रशासना स्वतंत्र ट्रॅक्टर व कर्मचारी पाठवू ते उचलतून नेईल असे सांगण्यात आले आहे.

शहरात सध्या चार टिम्स करुन चार ट्रँक्टर लावून स्वच्छता मोहीम सुरु आहे.

94055 77431 या वाॅटस् अप नंबरवर तथा वाॅटस् अप हेल्पलाईन नंबरवर कचरा, पाणी, स्ट्रीट लाईट याबाबत थेट तक्रार दाखल करायची सोय देखील नरपरिषदेत मुख्याधिकारी संतोष जिरगे यांनी केली आहे असे नगरपरिषद प्रशासकीय अधिकारी श्री सुधाकर पाटकर यांनी सांगितले आहे.

मालवण नगरपरिषद पर्यटन महोत्सव जल्लोष http://localhost/news/public/uploads/2022 नंतरचा नगरपरिषद प्रशासनाचा शहर स्वच्छतेची मोहीम सुरु झाली आहे.