<em>एडगांव तांबेवाडी पुलाचे उद्घाटन….!</em>
माजी सरपंच व जिल्हा नियोजन समितीचे माजी सदस्य प्रमोद रावराणे यांच्या प्रयत्नांना यश ….
वैभववाडी | नवलराज काळे : अनेक वर्ष एडगाव तांबेवाडी येथे करूळ नदीवर पुल नसल्यामुळे पावसाळ्याच्या कालावधीत दळणवळणाची साकवा व्यतिरीक्त कोणतीही सोय नसल्यामुळे येथील ग्रामस्थ , विद्यार्थी व रुग्णांचे मोठ्या प्रमाणात हाल होत होते . याबाबत अनेक वेळा ठराव, निवेदने, मोर्चा , आंदोलन करूनही शासनाने दुर्लक्ष केला .
एडगांवचे माजी सरपंच व जिल्हा नियोजन समितीचे माजी सदस्य श्री. प्रमोद रावराणे यांच्या अथक परिश्रमाने , व नियोजन बद्द सततच्या पाठपुराव्यामुळे राष्ट्रीय महामार्ग ते रामेश्वरमंदीर – तांबेवाडी – पाष्टेवाडी ते करूळ – कुंभवडे अशा दोन गावांना भविष्यात जोडणारा हा पुल मंजुर होवून आज पूर्णत्वास आला आहे.
या पुलाचे उद्घाटन माजी सरपंच श्री प्रमोद रावराणे यांच्या शुभहस्ते तर मा.सभापती श्री.जयेंद्र रावराणे , सरपंच सौ. रविना तांबे , सोसायटीचे चेअरमन , उद्योजक श्री सुनिल रावराणे यांच्या प्रमुख उपस्थितीत संपन्न झाला .
उद्घाटन प्रसंगी तांबेवाडी येथील स्थानिक व मुंबईकर ग्रामस्थ, पदाधिकारी मोठ्या संख्येने उपस्थित होते .
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
पाहिजेत..!
