आमदार वैभव नाईक यांच्या संकल्पनेतून साकारणार्या दांडी पर्यटन महोत्सवासाठी नगरपरिषदेतर्फे माजी नगराध्यक्ष महेश कांदळगांवकर आणि सहकारी माजी नगरसेवकांचे मालवणवासियांसह सर्वांना आग्रहाचे निमंत्रण..

मालवण | सुयोग पंडित : सिंधुदुर्ग जिल्ह्यातील मालवणच्या दक्षिणेकडील नयनरम्य व जगप्रसिद्ध ‘दांडी बीच’ येथे 13, 14, 15 मे http://localhost/news/public/uploads/2022 दरम्यान तीन दिवस पर्यटन महोत्सव आयोजीत करण्यात आला आहे. हा महोत्सव मालवण नगर परिषदेतर्फे आयोजित केला गेले आहे.
तमाम मालवणवासियांच्या या घरच्या महोत्सवामध्ये प्रत्येक मालवणवासियाने स्वतःहून सहभाग घेऊन हा महोत्सव यशस्वी करावा असे विनम्र आवाहन व निमंत्रण मालवण नगरपरिषदेचे माजी नगराध्यक्ष महेश कांदळगांवकर यांनी प्रसिद्धीपत्राद्वारे केले आहे.

माजी नगराध्यक्ष महेश कांदळगांवकर यांच्या कालावधीत खरंतर दरवर्षी अशा प्रकारचा पर्यटन महोत्सव करण्याचा मानस होताच आणि तशी तरतूदही नगरपरिषद अर्थसंकल्पात दरवर्षी करण्यात आली होती. परंतु शतक महोत्सवाच्या कार्यक्रमा नंतर 2 वर्षे कोरोना महामारी मुळे अशा प्रकारे महोत्सव साजरा करता आला नव्हता.

यावर्षी नगराध्यक्ष महेश कांदळगांवकर व सहकार्यांचा नगरपरिषदेतील लोकसेवेचा कालावधी संपला आहे आणि नप वर प्रशासक नेमला गेला आहे तरी आमदार वैभवजी नाईक त्यांच्या संकल्पनेतून मार्गदर्शनाखाली नगरपरिषदेतर्फे खास मालवणवासियांच्या सामाजिक,सांस्कृतिक व एकात्मतेच्या आनंदासाठी, जिल्हा नियोजनच्या माध्यमातून हा महोत्सव आयोजित करण्यात आला आहे असे माजी नगराध्यक्ष महेश कांदळगांवकर यांनी सर्व मालवणवासियांना प्रसिद्धीपत्राद्वारे सांगितले आहे.

मालवण हे पर्यटन दृष्ट्या विकसित होणारे शहर आहे , आणि दरवर्षी पर्यटकाचा ओघ वाढतच आहे. त्यामुळे पर्यटकांना आकर्षित करण्यासाठी अश्या प्रकारचा पर्यटन महोत्सव घेण्याचा मुख्य उद्देश आहे. पर्यटन वृद्धीसोबतच मालवण मध्ये व्यवसायाची वृद्धी पण होणारआहे. मालवण वासीयांना सुद्धा करमणुकीचे साधन उपलब्ध करून देणे हाही त्या मागचा उद्देश आहे असे माजी नगराध्यक्ष महेश कांदळगांवकर यांनी स्पष्ट केले आहे.

या पर्यटन महोत्सवा निमित्त विविध स्पर्धा आयोजित करण्यात आल्या आहेत. त्यात सहभाग घेऊन या स्पर्धा यशस्वी कराव्यात तसेच करमणुकीच्या कार्यक्रमाचाही आस्वाद घ्यावा अशी त्यांनी नम्र विनंती केली आहे.
या पर्यटन महोत्सवा निमित्त 10 मे सायंकाळी 5 वाजता भरड दत्त मंदिर ते नगरपालिका अशी शोभा यात्रा आयोजित केली आहे. सर्व मालवण वासीयांनी यामध्ये सहभागी होऊन पर्यटन वाढीबाबत व सक्षमतेबाबत मालवणवासीय एकजूट दाखवून देतीलच असा आग्रहाचा विश्वास माजी नगराध्यक्ष महेश कांदळगांवकर यांनी व्यक्त केला आहे.

दांडी येथे हा पर्यटन महोत्सव आयोजित केल्यानंतर तेथील स्थानिक लोकांनी म्हणजे समस्त ‘दांडीकरांनी’ या पर्यटन महोत्सवाला यशस्वी करण्याची जबाबदारी स्विकारली आहे त्याबद्दल यानिमित्त माजी नगराध्यक्ष महेश कांदळगांवकर यांनी विशेष कृतज्ञता व्यक्त केली आहे.