खासदार विनायक राऊत व आमदार वैभव नाईक राहणार विशेष उपस्थित..!

मसुरे | प्राजक्ता पेडणेकर : सिंधुदुर्ग जिल्ह्यातील मालवण तालुक्यातल्या बिळवस ग्रामपंचायत कार्यालय नूतन इमारतीचा लोकार्पण सोहळा सोमवार दिनांक 9 मे रोजी सकाळी दहा वाजता आयोजित करण्यात आला आहे यावेळी उद्घाटक व प्रमुख उपस्थिती खासदार विनायक राऊत व आमदार वैभव नाईक तर प्रमुख पाहुणे म्हणून मुख्य कार्यकारी अधिकारी जिल्हा परिषद सिंधुदुर्ग प्रजित नायर उपमुख्य कार्यकारी अधिकारी राजेंद्र पराडकर उपमुख्य कार्यकारी अधिकारी ग्रामपंचायत विभाग विनायक ठाकूर गटविकास अधिकारी जयंत जाधव कार्यकारी अभियंता बांधकाम विभाग अमित आवटी, उपअभियंता सावर्डेकर, बिळवस सरपंच सौ पालव , ग्रामसेवक युगल प्रभुगांवकर ,ग्रामपंचायत सदस्य, ग्रामस्थ आदी मान्यवर उपस्थित राहणार आहेत. यावेळी सकाळी ८.३० वाजता गणेश पूजन, सकाळी १० वाजता उद्घाटन समारंभ, १०.३० वाजता मान्यवरांचे स्वागत, उपस्थितांचा व जमीन मालकांचा सत्कार समारंभ कार्यक्रम व मनोगत.

दुपारी १.३० वाजता महाप्रसाद दुपारी ३ वाजता सत्यनारायण पूजा, संध्याकाळी ६ वाजता आरती, तीर्थप्रसाद, ग्रामस्थांचे स्थानिक भजन, सायंकाळी ७ वाजता हळदीकुंकू समारंभ रात्री ९.३० वाजता सांस्कृतिक कार्यक्रम, रात्री १० वाजता मान्यवरांचा सत्कार समारंभ, रात्री १०.३० वाजता ओमकार दशावतार नाट्य मंडळ म्हापण वेंगुर्ले यांचा महान पौराणिक दशावतार नाट्य प्रयोग. सर्वांनी उपस्थित राहण्याचे आवाहन मुख्य आयोजक ग्रामपंचायत बिळवस यांनी केले आहे.