मालवण एस टी स्टॅन्ड ते बौद्धवाडी जाणारी महत्वाची मार्गिका..

माजी नगराध्यक्ष महेश कांदळगांवकर यांची उपस्थिती.

मालवण | सुयोग पंडित : मालवण एस टी स्टॅन्ड ते मालवण बौद्धवाडी व पुढे खान मोहल्ला वायरी येथे जाऊन मिळणार्या महत्वाच्या रस्ता मार्गिकेचा आज सायंकाळी लोकार्पण सोहळा संपन्न झाला.
आमदार वैभव नाईक यांच्या प्रमुख उपस्थितितील या सोहळ्याला अनेक शिवसैनिक व स्थानिक नागरीक उपस्थित होते.

पेव्हर ब्लाॅक्सने बनलेली ही मार्गिका अत्यंत आकर्षक स्वरुपाची असून यावरुन आता स्टॅन्डच्या मागील परिसरातील ये जा सुकर होणार असल्याची समाधानाची प्रतिक्रिया उपस्थित स्थानिक नागरीकांनी दिली.

खासदार विनायक राऊत यांच्या मार्गदर्शन व आमदार वैभव नाईक यांच्या माध्यमातून मालवणचे माजी नगराध्यक्ष महेश कांदळगांवकर आणि शिवसेनेच्या माजी नगरसेवकांनी या विशेष विकास कामाच्या निधीसाठी पाठपुरावा केला होता.

यावेळी माजी नगराध्यक्ष महेश कांदळगांवकर,माजी बांधकाम सभापती नगरसेवक यतीन खोत, माजी बांधकाम सभापती व नगरसेवक मंदार केणी, माजी नगरसेवक नितीन वाळके, माजी नगरसेविका आकांक्षा शिरपुटे,माजी नगरसेवक पंकज सादये, सिंधुरक्त मित्र प्रतिष्ठान अध्यक्ष व शिवप्रेमी समाजसेविका सौ शिल्पा यतीन खोत, शिवसेना तालुकाप्रमुख हरी खोबरेकर,शिवसेना ज्येष्ठ नेते बबन शिंदे, पृथ्वीराज जोगी,किसन मांजरेकर,युवा सेना शहराध्यक्ष मंदार ओरसकर,मनोज मोंडकर,श्री.मराळ,सिद्धू जाधव, अन्य मान्यवर व अन्य स्थानिक नागरीक उपस्थित होते.

वर्दळीच्या वेळी चालत तसेच दुचाकीवरुन दक्षिण मालवणच्या वायरी व दांडी भागात जाणार्या अनेक नागरीकांसाठीही या मार्गिकेची सुधारित रचना अत्यंत उपयोगी ठरणार आहे.