श्री बांदेश्वर सेवा -सुविधा केंद्राच्या मेळाव्याला युवा वर्गाचा उत्तम प्रतिसाद..!

बांदा | राकेश परब : सिंधुदुर्ग जिल्ह्यातील बांदा येथील श्री बांदेश्वर सेवा -सुविधा केंद्राच्या वतीने बांदा शहरात आयोजित करण्यात आलेल्या भव्य रोजगार मेळाव्याला बेरोजगार युवक -युवतींचा भरघोस व उत्तम प्रतिसाद मिळाला.
या मेळाव्यात २५० जणांना गोव्यातील २५ हुन अधिक खासगी कंपन्यामध्ये नोकरी देण्यात आली.

गोव्यातील नामांकित कंपन्यांमध्ये सिंधुदुर्ग जिल्ह्यातील युवक व युवतींना रोजगार मिळवून देण्यासाठी या मेळाव्याचे आयोजन करण्यात आले होते. दहावी, बारावी, आयटीआय, पदवी धारक मुले व मुली यांनी मुलाखतीसाठी याठिकाणी गर्दी केली होती. याठिकाणी विविध कंपनीच्या अधिकाऱ्यांनी प्रत्यक्ष जाग्यावर येऊन मुलाखतीतून उमेदवारची निवड केली.

यावेळी गोव्यातील शाम इंडस्ट्रीयल सर्व्हिसेस या कंपनीचे संचालक सखाराम गवस, बांदा सरपंच अक्रम ख़ान, शैलेश लाड, सिद्धेश महाजन, सूर्यकांत गाड, सुदर्शन सावंत, जनार्दन सावंत, बांदेश्वर सेवा सुविधा केंद्राचे संचालक निलेश मोरजकर, प्रशांत गवस, समीर परब, सौ. रीना मोरजकर, दिक्षा गवस, प्रथमेश राणे, अक्षय मयेकर, भूषण सावंत, प्रवीण परब, अजित दळवी, सौ. स्वरा परब आदी उपस्थित होते.
यावेळी उपस्थितांना संबोधीत करताना अक्रम ख़ान यांनी, सिंधुदुर्ग जिल्ह्यातील बेरोजगार युवकांना गोव्यात रोजगार देण्यासाठी बांदेश्वर सेवा सेविधा केंद्राने घेतलेल्या पुढाकाराची विशेष प्रशंसा केली.
युवकांना नोकरीची तथा रोजगाराची नितांत गरज असल्याचे आजच्या मेळाव्यातून निष्पन्न झाले आहे. सखाराम गवस व निलेश मोरजकर यांनी येत्या कळत पावसाळ्यापूर्वी सिंधुदुर्ग जिल्ह्यातील व चंदगड, आजरा तालुक्यात ठिकठिकाणी रोजगार मेळावा घेण्याचे आश्वासन यावेळी दिले.