शिरगांव | संतोष साळसकर : सिंधुदुर्ग जिल्ह्यातल्या देवगड तालुक्यातील चाफेड बादेवाडी येथील श्री भैरी ठाणेश्वर भावई मंदिराचा जीर्णोद्धार सोहळा शुक्र. दि. ६ मे ते ९ मे या कालावधीत आयोजित करण्यात आला आहे.यानिमित्त विविध धार्मिक कार्यक्रमांचे आयोजन करण्यात आले आहे.

शुक्रवार ६ मे रोजी दुपारी २ वा. कलश व पाषाण मिरवणूक चाफेड भोगलेवाडी ते चाफेड बादेवाडी पर्यंत काढण्यात येणार आहे. शनि.७ मे रोजी स.७.३० ते १ वा. विविध धार्मिक कार्यक्रम, दु. १ ते ३ वा. महाप्रसाद,संध्या. ४ ते ६ वा. श्री भातवडेकर गुरुजी यांचे प्रवचन, ६ वा. श्रींची आरती, रात्रौ. ८ वा. विविध सांस्कृतिक करमणुकीचे कार्यक्रम,१० वा.स्थानिक भजने. रवि. दि.८ मे रोजी स.७ ते १ वा.विविध धार्मिक कार्यक्रम,शिखर कलश,पाषाण देवता प्रतिष्ठापना, दु.१ ते ३ वा.महाप्रसाद,संध्या.६ वा.श्रींची आरती, रात्रौ.९ ते १०.३० वा.दिंडी भजन श्री ठाणेश्वर प्रासादिक भजन मंडळ किंजवडे, रात्रौ. ११ वा. श्री चेंदवणकर गोरे (मालक सुधा दळवी) यांचे दशावतारी नाट्यप्रयोग.सोम. दि. ९ मे रोजी स. ८ वा. श्री देव महापुरुष लघुरुद्र,१० वा. श्री सत्यनारायण महापूजा,तीर्थप्रसाद, दु. १ ते ३ वा. महाप्रसाद,संध्या. ३ ते ५ वा.हळदीकुंकू समारंभ,६ वा. श्रींची आरती, रात्रौ. ९ ते १० वा.मान्यवरांचा सत्कार सोहळा,१० वा. बुवा अभिषेक शिरसाट ( हरकुळ बु.) आणि बुवा. समीर कदम ( पोखरण) यांच्यात डबलबारी भजनाचा जंगी सामना रंगणार आहे.तरी या सोहळ्याला सर्वांनी उपस्थित रहावे असे आवाहन श्री. भैरी ठाणेश्वर भावई विकास मंडळ आणि ग्रामस्थांनी केले आहे.