'मालवणचो कट्टो' समूहातर्फे भव्य रक्तदान शिबीर संपन्न..!
मालवण | सुयोग पंडित : मुंबई घाटकोपर येथे ‘मालवणचो कट्टो प्रतिष्ठानतर्फे’ भव्य रक्तदान शिबीर संपन्न झाले. महाराष्ट्र दिन व कामगार दिन तसेच सिंधुदुर्ग जिल्ह्याच्या निर्मितीचा दिवस अशी औचित्य असणार्या 1 मे दिवशी हा अत्यावश्यक आरोग्य उपक्रम संपन्न झाला.
‘कुठे तरी कोणालातरी रक्ताची गरज आहे’ या आवाहना अंतर्गत झालेल्या या शिबिरातरक्तदान क्षेत्रातील अनेक मान्यवर व उत्स्फूर्त रक्तदात्यांनी सहभाग घेतला.
‘सहकारातून सदाचार’ या तत्वावर वस्तुनिष्ठपणे चालणार्या या समूहाचे संस्थापक सुधीर कांदळकर यांनी व सहकार्यांनी गेले दोन महिने या रक्तदान जागर व शिबीर यासाठी विशेष प्रयत्न केले होते.
रामचंद्र सावंत यांची संकल्पना असलेल्या या उपक्रमाला राम वेंगुर्लेकर,प्रमोद परब,प्रदीप घाडी,रुपेश कवटकर,स्वाती चौकेकर,दिप्ती खानोलकर यांचे योगदान अमूल्य होते.
संस्थापक श्री सुधीर कांदळकर यांनी सर्व सहभागी स्वयंसेवक,समूह सदस्य आणि मान्यवरांना धन्यवाद दिले आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
