तारकर्ली | सुरेश बापार्डेकर : सिंधुदुर्ग जिल्ह्यातील मालवण तालुक्यातल्या ‘तारकर्ली ग्राम श्री साई मंडळ, मुंबई’ आयोजित 12 वा वर्धापनदिन सोहळा संपन्न झाला. या निमित्त तीन दिवस विविध कार्यक्रम आयोजित करण्यात आले होते.

पहिल्या दिवशी सकाळी साईंवर अभिषेक करून,सायंकाळी गावातून पालखी मिरवणुकीने सुरुवात व रात्री भजन,कीर्तन,दुसऱ्या दिवशी श्री सत्यनारायण महापूजा ,साई भंडारा,दुपार भजने,रात्री शंभो साई भजन मंडळ मुंबई या तरुण मुलांचा साईंच्या संगीतमय गायनाचा नजराणा भजन,तिसऱ्या दिवशी भजने आणि रात्री सुप्रसिद्ध तेंडोलकर दशावतारी नाट्य मंडळ झाराप यांचे (श्वेत सुर) दशावतार नाट्य असे कार्यक्रम संपन्न झाले.

या सोहळ्यात सांस्कृतिक व सामाजिक योगदान देणार्या व्यक्तिंचा सत्कार सोहळा आयोजीत करण्यात आला होता. या कार्यक्रमाचे प्रमुख अतिथी व आपली सिंधुदुर्ग नगरी न्यूज चॅनेलचे मुख्य संपादक सुयोग पंडित यांच्या हस्ते सर्वांचा शाल पट्टा,श्रीफळ देऊन भक्त सेवेकरी यांचा सत्कार करण्यात आला.

श्री.श्रीकांत बापर्डेकर, बाबा कुबल,देवांग तारी,गजानन बापर्डेकर, महेश केळुसकर,शिवाजी बांदेकर,गणपत कुबल,शंभो साई भजन मंडळ मुंबई,विवेक कुबल,सुभाष केळूसकर,हनुमंत केळुसकर,संतोष बांदेकर,चिन्मयी भोवर, कमला कांत कुबल,गणपत धुरत,परिक्षीत मालाप,नरेश कांदळगावकर,स्पृहा भोवर,बाबू टीकम,कुणाल बापर्डेकर,अंकुश कुबल,वसंत मोंडकर,शंकर केरकर,वंदन केरकर,बाबू कुमठेकर,दाजी केरकर,राजू राऊळ,हेमंत खराडे समीर तेंडुलकर, साईंची भूमिका करणार सुरज परब यांनी नित्य आरती आणि भंडारा बनविण्यास आलेले यांचा सत्कार करण्यात आला.
यावेळी व्यासपीठावर सुयोग पंडित ,मंडळाचे सरचिटणीस मनोहर बापर्डेकर, खजिनदार प्रकाश बापर्डेकर,शिवाजी बांदेकर,कार्याध्यक्ष सुरेश बापर्डेकर उपस्थित होते.
कार्यक्रमाचे सूत्रसंचलन कुणाल बापर्डेकर यांनी केले.