दिपलक्ष्मी दत्ताराम मडव यांच्या प्रथम पुण्यस्मरणानिमित्त रक्तदान शिबिर
कणकवली | उमेश परब : कै. दिपलक्ष्मी दत्ताराम मडव यांच्या प्रथम पुण्यस्मरणानिमित्त अमेय मडव मित्रपरिवार आणि सिंधु रक्तमित्र प्रतिष्ठान, कणकवली यांच्या संयुक्त विद्यमाने उद्या शनिवार २१ ऑगस्ट रोजी वृंदावन हॉल, कणकवली येथे रक्तदान शिबीर आयोजित केले आहे. तरी १८ ते ४५ वर्षे वयोगटातील तरुण-तरुणींनी जास्तीत जास्त संख्येने सहभागी होऊन रक्तदान करण्याचे आवाहन अमेय मडव मित्रपरिवार यांनी केले आहे.
गेली ६-७ वर्षे रक्तदान क्षेत्रात काम करत असताना रक्ताची गरज ओळखून हे रक्तदान शिबिर आयोजित करीत असल्याचे रक्तमित्र अमेय मडव यांनी सांगितले. ज्यांची पहिली किंवा दुसरी कोव्हीड प्रतिबंधात्मक लस घेऊन १४ दिवस पूर्ण झाले आहेत ते सुद्धा रक्तदान करू शकतात. त्यामुळे शासनाच्या कोव्हिडं प्रतिबंधात्मक नियमांचे पालन करून हे रक्तदान शिबिर घेण्यात येणार असल्याचे अमेय मडव मित्रपरिवार आणि सिंधु रक्तमित्र प्रतिष्ठानच्या वतीने सांगण्यात आले
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
