बांदा | राकेश परब : राज्य उत्पादन शुल्क , तपासणी नाका इन्सुली यांनी बेकायदेशीर दारु वाहतूक करीत असल्याने कारवाई केली. सदर बांदा – ओटवणे रोड वर तात्पुरता तपासणी नाका केला होता. त्यावेळी सदरची कारवाई सिंधुदुर्ग ,महाराष्ट्र दारुबंदी कायद्याप्रमाणे करण्यात आली. मा. अधीक्षक डॉ . बी.एच. तडवी सो , राज्य उत्पादन शुल्क , सिंधुदुर्ग यांच्या मार्गदर्शनाखाली गोव्याहून येणाऱ्या अवैध मद्याची तस्करी रोखण्या संदर्भात इन्सुली येथे तपासणी नाक्यावर असलेल्या तसेच तात्पुरता तपासणी नाका ओटवणे येथील नाक्यावर असलेल्या अधिकाऱ्यांसमवेत संशयित वाहनांची तपासणी केली असता बांद्याहून आंबोलीच्या दिशेने जाणारे चारचाकी वाहन क्र . MH – 16 – AV – 9495 तपासणी केली असता सदर गाडीच्या सीटला बनवलेल्या चोर कप्यांमध्ये ठेवलेल्या 180 मि.ली.मापाच्या काचेच्या एकूण 720 सिलबंद बाटल्या . व 500 मि.ली मापाचे 48 सिलवंद टीन असे ( एकूण 17 बॉक्स ) असा एकूण अं . रुपये 1,21,920 / – किंमतीचा मदयसाठा व महिंद्रा अँन्ड महिंद्रा लि . कंपनीचे सफेद रंगाचे XUV 500 FWD 8 मॉडेलचे चारचाकी वाहन क्र . MH – 16 – AV – 9495 अं.किं . रुपये 4,50,000 / – किंमतीचे वाहन असा एकूण रुपये 5,71,920 / – किंमतीचा मुद्देमाल जप्त करुन संशयीत आरोपी म्हणून बंडु दामु मासाळ , वय 35 वर्षे , रा.धायटी , ता . सांगोला , जि . सोलापूर यास ताब्यात घेण्यात आले . डॉ . वी . एच . तडवी अधीक्षक , राज्य उत्पादन शुल्क सिंधुदुर्ग यांच्या मार्गदर्शनानुसार निरीक्षक श्री . एस . पी . मोहिते यांनी वरील कारवाई केली . या कारवाईमध्ये परिविक्षाधीन उप अधीक्षक श्री . आर.ए.इंगळे , दुय्यम निरीक्षक श्री . तानाजी पाटील , दुय्यम निरीक्षक श्री.पी.एस. रास्कर , सहा . दु . नि . श्री . गोपाळ राणे , तसेच तात्पुरता तपासणी नाका ओटवणे येथील कर्तव्यावर असलेले सातारा येथील दुय्यम निरीक्षक श्री . किरण बिरादार , सहा . दु . नि . श्री . महेश मोहिते व जवान श्री संतोष निकम यांनी सहभाग घेतला . या गुन्हयांचा अधिक तपास निरीक्षक श्री . एस . पी . मोहिते करीत आहेत .