पिंपळाच्या झाडाची फांदी अंगावर पडून दुर्दैवी मृत्यू ...!
खारेपाटण गावची घटना..
कणकवली | बंटी राणे : सिंधुदुर्ग जिल्ह्यातल्या कणकवली तालुक्यातील खारेपाटण गावातील बाजारपेठेतून चव्हाटयाकडे जाणाऱ्या रस्त्यावरील पिंपळाच्या एका महाकाय झाडाची मोठी फांदी अंगावर पडल्याने खारेपाटण भैरीआळी येथील ग्रामस्थ श्री. अनंत शांताराम शेलार (वय ५५ वर्षं) यांचा जागीच मृत्यू झाला.
मयत अनंत शांताराम शेलार हे पिंपळाच्या झाडाखालून पायी चालत सदर रस्त्याने जात असताना या रस्त्यावर असणाऱ्या पिंपळाच्या झाडाचा मोठा फांदा अंगावर पडून शेलार यांचा जागीच मृत्यू झाला. हा अपघात आज बुधवारी दुपारी ३.३० वाजता घडला. तर याच रस्त्यावर बाजूला सुरेश गायकवाड यांच्या शेळ्यांच्या कौलारू गोठयावर देखील पिंपळाच्या झाडाची फांदी पडून त्यांच्या गोठा वजा घराचे नुकसान झाले आहे.अपघात घटनेची माहिती मिळताच खारेपाटण सरपंच रमाकांत राऊत यांनी घटनास्थळी भेट दिली .
मृत्यू झालेल्या व्यक्तीचा मृतदेह झाडाखालुन बाहेर काढण्यास ग्रामस्थांनी मदत केली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
कविवर्य नारायण सुर्वे जन्मशताब्दीनिमित्त 'गोपुरी आश्रम' कणकवली येथे १८ ऑक्टोबर रोजी अभिवादन सोहळ्याचे आयोजन.
