मालवण | सुयोग पंडित : सिंधुदुर्ग जिल्हा पर्यटन व्यावसायिक महासंघातर्फे आमदार दीपक केसरकर यांचे अभिनंदन करुन त्यांना एक निवेदनही दिले गेले आहे.

सिंधुदुर्ग जिल्ह्यातील पर्यटन व्यवसाय वाढीसाठी सिंधुरत्न योजनेत सिंधुदुर्ग जिल्हा पर्यटन व्यावसायिक महासंघाने निवेदन दिले आसून त्यात विविध मागण्यांच्या समावेशाची विनंती करण्यात आली आहे.

चांदा ते बांदा योजनेच्या माध्यमातून ग्रामीण भागातील शेतकरी ,मत्सव्यवसायिक ,बचतगटातील व्यावसायिकांना यांत्रिकरणाची जोड देऊन ग्रामीण अर्थव्यवस्था,रोजगार निर्मितीचे कार्य राज्य सरकारच्या माध्यमातून उभे होत असताना पूर्ण राज्याने पहिले आहे. सदर योजनेनंतर सिंधुरत्न योजनेच्या अध्यक्षपदी आपल्या झालेल्या निवडीबद्दल पर्यटन व्यावसायिक महासंघ सिंधुदुर्गच्या वतीने अध्यक्ष श्री विष्णू मोंडकर यांनी आमदार दिपक केसरकर यांचे विशेष अभिनंदन करुन हे निवेदन दिले आहे.

पर्यटन व्यावसायिक महासंघ जिल्ह्यातील पर्यटन वाढीसाठी कार्य करत असून सदर व्यवसाय वाढीसाठी स्कुबा डायव्हिंग प्रशिक्षणासाठी अनुदान योजना राबविणे, नव्याने चालू होणाऱ्या जलक्रीडा,ऍडव्हेंचर प्रकल्प चालू करू इच्छिणाऱ्या व्यवसायिकांसाठी अनुदान योजना राबविणे, टुरिस्ट परवाना लक्झरी कार खरेदी साठी योजना राबविणे, मच्छिमार रापण संघाच्या कावणांचे मच्छिमार कल्चर सेंटर उभारण्यासाठी योजना राबविणे, सध्या चालू असलेल्या होम स्टे,हॉटेल मधील रूम ३ स्टार दर्जाच्या होण्यासाठी प्रतिरूम योजना राबविणे,
पर्यटन व्यावसायिकांना इन्व्हर्टर तसेच जनरेटर खरेदीसाठी योजना राबविणे,
जिल्हा पर्यटन सफारी साठी अद्ययावत तथा सुसज्ज बस उपलब्ध करणे, अपिरिचित पर्यटन स्थळे विकासासाठी योजना राबविणे, सिंधुरत्न योजनेच्या कमिटीत पर्यटन क्षेत्राच्या विकासाठी आवश्यक भूमिका मांडण्यासाठी पर्यटन महासंघाच्या एका व्यक्तीची निवड करणे, अद्यावत पर्यटन माहिती केंद्र साठी योजना राबवणे अशा मुद्द्यांचा समावेश आहे.

आमदार दीपक केसरकर यांच्या कार्यपद्धतीवर महासंघाला पूर्ण विश्वास असून ते महासंघाच्या पर्यटन वाढीसाठी केलेल्या विनंतिचा तथा निवेदनाचा विचार करुन संपूर्ण सहकार्य ही खात्री असल्याचेही श्री विष्णू मोंडकर व सिंधुदुर्ग जिल्हा पर्यटन व्यावसायिक महासंघाने व्यक्त केली आहे.