मालवण | सुयोग पंडित : सिंधुदुर्ग जिल्हा व मुंबई येथे कोकण भूमिपुत्रांसाठी कार्यरत असलेल्या
श्री सोमेश्वर कलामंच सामाजिक संस्था आयोजित गराजलो रे गराजलो या नाटकाद्वारे जनजागृतीचे काम सुरु असते.
या प्रकल्पाचे तथा श्री सोमेश्वर कलामंच व गराजलो रे गराजलोचे मुंबईस्थित अध्यक्ष श्री सहदेव धर्णे यांनी सामाजिक मंचावरुन सर्वांशी संवाद साधला.
हे चळवळीचे कार्य करता करता या चळवळी अंतर्गतच वेगवेगळे उपक्रम राबविण्यात येत आहेत.
त्यासाठी संस्था आता नविन पण अत्यावश्यक मुद्द्यांवर काम करणार असल्याचे अध्यक्ष श्री सहदेव धर्णे यांनी स्पष्ट केले.

संस्थेतर्फे गेल्या वर्षी दशावतारी कलाकारांचा आणि दशावतारी मंडळांचा जाहीर सत्कार करण्यात आला.
कलाकार जगला तर कला जिवंत राहील. आता पुढील अत्यावश्यक उपक्रम म्हणून दशावतारी कलाकारांच्या आरोग्याविषयी आरोग्य शिबीर राबविण्यात येणार आहे.भविष्याचा विचार करून यापुढे दशावतारी कलाकारांना रोजगार मिळाला पाहिजे. त्यांची आर्थिक स्थिती चांगली झाली होण्यासाठी संस्था प्रयत्नशील असणार आहे. दशावतारी नाट्यप्रयोग सादर करताना ध्वनी यंत्रणेसारख्या समस्येमुळे कलाकारांच्या आवाजावर परिणाम होतो.यावर तोडगा काढण्यासाठी.
लवकरच दशावतारी जाहीर मेळावा आयोजित करण्यात येणार आहे.
कोकणातील दशावतारी व मुंबईतीलही इतर कोकणाशी निगडीत कलावंतांच्या उज्वल भविष्यासाठी आपण निःस्वार्थीपणे कार्य करत राहणार असल्याचा पुनरुच्चार श्री सोमेश्वर कलामंचचे अध्यक्ष श्री सहदेव धर्णे यांनी केला आहे.