त्या धर्मांधांवर कठोर कारवाई करा : हिंदू जनजागरण समिती.
रामनवमी मिरवणुकांमधील दगडफेक प्रकरण…!
कणकवली | बंटी राणे : देशभरात उत्साहात पार पडलेल्या श्रीरामनवमीच्या दिवशी अनेक राज्यांत रामनवमीनिमित्त आयोजित मिरवणुकांवर दगडफेक करण्यात आली. हिंदूंची आस्था व श्रद्धा असलेल्या श्रीरामाच्या धार्मिक
उत्सवांवर झालेले भीषण आक्रमण अत्यंत गंभीर आहे. ही आक्रमणे करणार्यांवर कठोर कारवाई करावी, असे निवेदन कणकवली तहसीलदार श्री रमेश पवार यांना हिंदु जनजागृती समिती च्या वतीने देण्यात आले. यावेळी श्री. नंदकुमार आरोलकर श्री श्रीधर मुसळे श्री रमेश सावंत श्री सूर्यकांत मालवणकर उपस्थित होते.
निवेदनात म्हटले आहे की, श्रीरामजन्मभूमी प्रकरणी सर्वोच्च न्यायालयाने निर्णय दिल्यावर आता कुठे श्रीराम मंदिराची पायाभरणी चालू आहे, असे असतांना धर्मांधांनी रामनवमी निमित्त काढण्यात येणाऱ्या मिरवणुकांवर देशभरात आक्रमणे करून हिंदु समाजाला आणि सरकारला एक संदेश दिला आहे, असेच दिसते.
मुंबईत मानखुर्द आणि मालवणी येथे रामनवमीच्या मिरवणुकीला धर्मांध सामाजिक घटकांनी विरोध करत हिंदूंना मारहाण केली.
गुजरातमध्ये आनंद, हिंमतनगर, माहुवा, खंभात, सकरपुरा अन् द्वारका येथे रामनवमीच्या मिरवणुकीवर दगडफेक
झाली.
कर्नाटकमध्ये कोलार आणि मुलबागल याठिकाणीही रामनवमीच्या मिरवणुकांवर आक्रमणे करण्यात आली. छोट्याशा गोव्यातही वास्को शहरात प्रथमच रामनवमीच्या मिरवणुकीवर दगडफेकीची घटना घडली.
मध्य प्रदेशमधील खरगोन आणि सेंधवा, राजस्थानमधील करौली, बंगालमधील हावडा आणि झारखंड राज्यातही धर्मांध सामाजिक घटकांकडून रामनवमीच्या मिरवणुकांवर आक्रमण करण्यात आले. देहलीतील जेएनयूमध्येही श्रीरामनवमीनिमित्त पूजेचे आयोजन केल्याने हिंसक घटना घडली. ज्या ‘जेएनयू’त महिषासुर जयंती साजरी केलेली चालते; मात्र श्रीरामनवमी साजरी केलेली चालत नाही, हे देशाचे दुर्दैव आहे.
दगडफेकीसह तलवारी घेऊन हिंसक आक्रमण; वाहने आणि घरे पेटवणे; सार्वजनिक संपत्तीची हानी करणे आदी सर्व घटना गंभीर आहेत. श्रीरामनवमीच्या दिवशी झालेले आक्रमण हे एक सुनियोजित षड़यंत्र असून एकाच वेळी इतक्या ठिकाणी हिंसक घटना कशा घडल्या ? यामागे कोणाचा हात आहे ? धार्मिक
उत्सवांना लक्ष्य का केले जात आहे ? या सर्व घटनांची राष्ट्रीय स्तरावर सखोल चौकशी करून दोषींवर कठोर कारवाई
करावी, अशी मागणी आम्ही करत आहोत. तसेच यापुढे अशा घटना होऊ नयेत, यासाठी प्रतिबंधात्मक उपाययोजना कराव्यात असेही हिंदू जनजागरण समितीने निवेदनात स्पष्ट केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
