चिंदर | विवेक परब : सिंधुदुर्ग जिल्ह्याचे आघाडीचे शिवसेना नेते व कुडाळ मालवण विधानसभा मतदार संघाचे आमदार वैभव नाईक यांच्या वाढदिवसानिमित्त आचरा विभाग शिवसैनिकांनी आमदार नाईक यांची भेट घेत त्यांचा वाढदिवस साजरा केला.

कणकवली शहरातील ‘विजयभवन’ येथे सायंकाळी हा उत्साहपूर्ण कार्यक्रम संपन्न झाला. यावेळी आचरा विभाग संघटक आणि ग्रामीण स्तरावरील क्रियाशील शिवसेना लोकप्रतिनिधी आणि पळसंब ग्रामपंचायतचे सरपंच चंद्रकांत गोलतकर यांनी आमदार वैभव नाईक यांना केक भरवून समस्त आचरा विभाग शिवसैनिक,पदाधिकारी यांच्यातर्फे हा विशेष दिवस साजरा केला.

याप्रसंगी पळसंब सरपंच व आचरा विभाग संघटक श्री चंद्रकांत गोलतकर यांनी आमदार वैभव नाईक यांच्या सामान्य कार्यकर्त्यांना मदत करायच्या गुणाची आणि समाजकार्य करण्यासाठी सतत प्रोत्साहीत करण्याच्या वृत्तीची प्रशंसा करुन आभार मानले. प्रत्येक शिवसैनिकाला स्वतःची ओळख निर्माण करुन देण्याचे काम आमदार वैभवजी नाईक नेहमीच करत आलेत असेही पळसंब सरपंच चंद्रकांत गोलतकर यांनी केले .

सतत संपर्कात रहाणारे आपले आमदार नेहमीच सुदृढ आणि सक्षम राहतील अशा सदिच्छा यावेळी आचरा विभाग शिवसैनिकांनी व पळसंब सरपंच चंद्रकांत गोलतकर यांनी आमदार वैभव नाईक यांना दिल्या.

यावेळी आचरा विभाग संघटक श्री.चंद्रकांत गोलतकर यांच्यासमवेत जेष्ठ शिवसैनिक श्री.श्यामजी घाडी, मच्छिमार नेते श्री .नारायण कुबल , श्री .विनायक परब , श्री . रूपेश घाडी , आचरा तलाठी श्री .काळे , श्री .सदानंद घाडी , श्री .रसिक कुर्हाडे , श्री . राजू मेस्त्री व आचरा विभागीय शिवसैनिक उत्साहाने उपस्थित होते.