तारकर्ली | सुरेश बापार्डेकर : मालवण तालुक्यातील तारकर्ली येथील नरेश कांदळगावकर रापण संघ ,केळुसकर रापण संघ,कुबल रापण संघ, भाली देऊलकर रापण संघ या रापण संघानी विक्रांत मच्छीमार संस्थेचे चेअरमन अध्यक्ष म बाबा मोंडकर यांनी रापण सभासदांची कागदपत्रांची पूर्तता लवकर करून लवकर आर्थिक मदत मिळण्यास प्रयत्न केला त्याबद्दल त्यांचा स्मृतीचिन्ह ,शाल, श्रीफळ ,पुष्पगुच्छ देऊन सत्कार केला.

रापण संघाचे सदस्य गुंडू कांदळगावकर,सुरेंद्र केळुसकर,महादेव देऊलकर ,प्रकाश खराडे डीगू मालंडकर यांनी हा गौरव केला.

सुरेश बापार्डेकर यांनी रापण सभासद मच्छीमारांना क्यार व महा चक्रीवादळामुळे पूर्ण क्षमतेने मासेमारी करता आलेली नसल्याने विशेष आर्थिक सहाय्य मंजूर होऊनही वाटप करण्यास टाळाटाळ लक्षात घेऊन मदत केली.

अखिल भारतीय मच्छीमार गाबित समाज महासंघ यांनी लवकर मदत देण्याकरिता शासन दरबारी आणि फिशरिज ऑफिस येथे पत्रव्यवहार पाठपुरावा लवकर देण्यास प्रयत्न केले .तसेच आर्थिक मदत मिळावी याकरिता पत्रव्यवहार पाठपुरावा करून मिळवून दिल्याबद्दल श्री.सुरेश बापर्डेकर यांचाही पुष्पगुच्छ देऊन वंदन केरकर यांच्या हस्ते सत्कार केला तर श्री.नंदकुमार सावंत यांचाही पुष्पगुच्छ देऊन सत्कार केला.

यावेळी मोंडकर यांनी आपल्या भाषणात सरकारी योजना, किसान कार्ड बाबत सर्वांना बहुमूल्य मार्गदर्शन केले. बऱ्याच सबसिडी योजना आहेत त्या रापण संघ ,रापणकर आणि मच्छीमारांनी याचा फायदा घ्यावा असेही ते म्हणाले.

हा सत्कार कार्यक्रम श्री महापुरूष मंदिर तारकर्ली येथे पार पाडला. कार्यक्रमाचे सूत्रसंचालन कांचन खराडे यांनी केले.