बांदा-नेतर्डे रस्त्यावरील काही ' सुसाटसिंग ' ठरतायत ग्रामस्थांची डोकेदुखी...! (विशेष लक्षवेधी )
बांदा | राकेश परब : बांदा नेतर्डे रसत्यावर गेले काही दिवस एक मुद्दा ग्रामस्थांची तथा स्थानिकांची चिंता व डोकेदुखी बनलेला आहे.त्याचीच एक छोटी नकारात्मक झलक काल सोमवारी दुपारी पहायला मिळाली.
सिंधुदुर्ग जिल्ह्यातील बांदा-नेतर्डे रस्त्यावर गाळेल येथे भरधाव वेगात खडीची वाहतूक करणारा डंपर रस्त्यालगत काजूच्या झाडावर आदळून अपघातग्रस्त झाला. सुदैवाने या अपघातात कोणालाही दुखापत झाली नाही.
याठिकाणी रस्ता अरुंद असल्याने काही बेदरकार ‘सुसाटसिंग’ डंपर चालकांच्या वाहतुकीला आवर घालण्याची मागणी स्थानिक ग्रामस्थांमधून होत आहे.
या रस्त्यावर मोठ्या प्रमाणात खडी वाहतूक करणाऱ्या डंपरांची वर्दळ असते. कित्येकदा भरधाव वेगामुळे छोटे-मोठे अपघात झाले आहेत. दुपारी भरधाव वेगात चालकाचा ताबा सुटल्याने डंपर रस्त्यालगत असलेल्या केणी यांच्या काजूच्या झाडावर जाऊन आदळला. यामध्ये काजूचे झाड मुळापासून उन्मळून पडले आहे. सुदैवाने अपघातात जीवितहानी झाली नाही.
या अशा वाहतुकीच्या ‘सुसाटसिंग’ डंपर चालकांना प्रशासन आतातरी नक्कीच आवर घालेल अशी आशा आता स्थानिक करत आहेत.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
