मनसेच्या वतीने सोंसुरा येथे शिवजयंती साजरी.
यशवंत गडावरील शिवाजी महाराजांच्या अश्वारुढ पुतळ्याला पुष्पहार अर्पण…!
शिरगांव / संतोष साळसकर : महाराष्ट्र नवनिर्माण सेना अध्यक्ष राजसाहेब ठाकरे यांच्या आदेशाने व महाराष्ट्र नवनिर्माण सेना सरचिटणीस व माजी आमदार परशुराम ( जीजी) उपरकर यांच्या मार्गदर्शनाखाली व महाराष्ट्र नवनिर्माण सेना व महाराष्ट्र नवनिर्माण विद्यार्थी सेना वेंगुर्ला व सावंतवाडी यांच्या माध्यमातून छत्रपती शिवाजी महाराज यांची जयंती (तिथीनुसार) साजरी झाली.
सकाळी सोन्सुरा येथे शिवाजी महाराजांच्या अश्वारूढ पुतळ्याला पुष्पहार अर्पण करून जय शिवाजी , जय जिजाऊ , हर हर महादेव असा घोषणा देत शिव जयंती उत्सव साजरा केला. नंतर सर्व पदाधिकारी व कार्यकर्ते यशवंत गडावर शिवाजी महाराजांच्या पुतळ्याला मनविसे जिल्हाध्यक्ष कुणाल किनळेकर व महाराष्ट्र नवनिर्माण सेना तालुका अध्यक्ष सनी बागकर यांनी पुष्पहार अर्पण करण्यात आला व जिलेबी वाटप करून शिव जन्मोत्सव कार्यक्रम साजरा करण्यात आला.
यावेळी महाराष्ट्र नवनिर्माण सेना व महाराष्ट्र नवनिर्माण विद्यार्थी सेना पदाधिकारी व कार्यकर्ते महाराष्ट्र सैनिक मोठ्या संख्येने उपस्थित होते. म.न.वि. सेना जिल्हा अध्यक्ष कुणाल किनळेकर, मनविसे उप जिल्हाध्यक्ष परशुराम (आबा) परब, मनसे तालुका अध्यक्ष सनी बागकर , मनसे तालुका सचिव वेंगुर्ला आबा चिपकर , मनविसेना उप तालुका अध्यक्ष विशाल मांडये, संदेश शेट्ये , निलेश मुळीक ,गोविंद (आपा) मातोंडकर हे प्रमुख पदाधिकारी व कार्यकर्ते उपस्थित होते .
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
