दुसर्या कसोटीत भारताची 151 धावांनी झाली सरशी.. लंडन | स्पोर्ट्स ब्यूरो : इंग्लिश दौर्‍यावर गेलेल्या भारतीय संघाने दुसरी कसोटी जिंकून पाच कसोटींच्या मालिकेत 1:0 अशी आघाडी मिळवली आहे. अतिशय अतितटीच्या झालेल्या ह्या सामन्यांत पाचव्या दिवशीचा खेळ सुरु झाला तेंव्हा सामन्याचे पारडे किंचित् इंग्लिश संघाकडे झुकलेले होते. भारतीय संघाच्या तळाच्या शामीचे अर्धशतक (58 धावा) आणि जसप्रीत बुमराहच्या 34 धावांच्या जोरावर चौथ्या डावात भारताने इंग्लंडसमोर 272 धावांचे आवाहन ठेवले होते. शेवटच्या दिवसाच्या साठ षटकांत हे आवाहन पार करणे कठीण असले तरी इंग्लिश संघ हा सामना अनिर्णित राखायचा प्रयत्न करणार असाच क्रिकेट तज्ज्ञांचा एकंदर कयास होता. भारतीय गोलंदाजांनी सलामीच्या जोडीला शून्यावर तंबूत धाडून संघाच्या विजयाची दारे उघडी केली. जो रुट 33 धावा आणि जाॅस बटरलरच्या 25 धावा वगळता आणखी कुठलाच इंग्लिश फलंदाज खेळपट्टीवर टिकू शकला नाही. जसप्रीत बुमराहने तीन बळी, शामीने एक आणि मोहम्मद सिराजने चार बळी आणि इशांत शर्माने दोन बळी मिळवत भारताला 151 धावांनी विजय मिळवून दिला. तत्पूर्वी पहिल्या डावात के एल राहुलचे शतक आणि दुसर्या डावात अजिंक्य रहाणेच्या 61 धावा ही भारताची वैशिष्ट्ये ठरली.